സാമൂഹിക മാധ്യമങ്ങളിൽ സർക്കാരിനെ വിമർശിച്ചു, ബി. അശോകിന് സസ്പെൻഷൻ
തിരുവനന്തപുരം: അനുമതിയില്ലാതെ മാധ്യമങ്ങളോട് പ്രതികരിച്ചതിന് മുതിർന്ന ഐഎഎസ് ഉദ്യോഗസ്ഥനും കേരള കാർഷിക സർവകലാശാല വൈസ് ചാൻസലറുമായ ബി. അശോകിനെ സസ്പെൻഡ് ചെയ്തു. ചീഫ് സെക്രട്ടറിയാണ് ഇതുസംബന്ധിച്ച നടപടി സ്വീകരിച്ചത്.
സർക്കാരിന്റെ മുൻകൂർ അനുമതിയില്ലാതെ മാധ്യമങ്ങളിലൂടെ തന്റെ നിലപാടുകൾ വ്യക്തമാക്കുകയും പ്രതികരിക്കുകയും ചെയ്തത് സർവീസ് ചട്ടങ്ങളുടെ ലംഘനമാണെന്ന് കണ്ടെത്തിയതിനെത്തുടർന്നാണ് നടപടി.
നിലവിൽ കേരള കാർഷിക സർവകലാശാല വൈസ് ചാൻസലറുടെ ചുമതല വഹിച്ചു വരികയായിരുന്നു അദ്ദേഹം. വിവിധ വിഷയങ്ങളിൽ സർക്കാരിന്റെ നയങ്ങൾക്കെതിരെയും മറ്റും അദ്ദേഹം മാധ്യമങ്ങളിലൂടെ സംസാരിച്ചത് നേരത്തെയും ചർച്ചയായിരുന്നു.
ഔദ്യോഗിക പദവിയിലിരിക്കെ മാധ്യമങ്ങളിൽ ലേഖനങ്ങൾ എഴുതിയതും സംസാരിച്ചതും ഗൗരവകരമായ അച്ചടക്ക ലംഘനമായാണ് സർക്കാർ കണക്കാക്കുന്നത്.
Leave A Comment