ക്യാപ്റ്റൻ പിണറായി തന്നെ; സ്ഥാനാര്ഥി പട്ടിക മാര്ച്ച് ആദ്യം
ന്യൂഡല്ഹി: നിയമസഭാ തെരഞ്ഞെടുപ്പില് എൽഡിഎഫിനെ മുഖ്യമന്ത്രി പിണറായി വിജയന് നയിക്കുമെന്ന് സിപിഎം ജനറല് സെക്രട്ടറി എം.എ.ബേബി. കേരളത്തിൽ എൽഡിഎഫ് സർക്കാർ തുടരുമെന്നും സ്ഥാനാർഥികളെ മാർച്ച് ആദ്യം പ്രഖ്യാപിക്കുമെന്നും എം.എ.ബേബി പറഞ്ഞു.
പിബിയോഗത്തിന് ശേഷം മാധ്യമങ്ങളെ കാണുകയായിരുന്നു അദ്ദേഹം. പിണറായി വിജയന് നിയമസഭാ തെരഞ്ഞെടുപ്പിൽ പാർട്ടിയെ നയിക്കണമെന്ന് കേരള ഘടകം പോളിറ്റ് ബ്യൂറോ യോഗത്തില് വ്യക്തമാക്കിയിരുന്നു. ഇതിന് പിബി അംഗീകാരം നല്കുകയായിരുന്നു.
ആരെയും മുഖ്യമന്ത്രി സ്ഥാനാർഥിയായി പ്രഖ്യാപിക്കില്ല. മുഖ്യമന്ത്രി ആരെന്നത് വിജയിച്ചതിനുശേഷം തീരുമാനിക്കും. ഇതാണ് പാർട്ടിയുടെ രീതിയെന്നും സിപിഎം ജനറൽ സെക്രട്ടറി പറഞ്ഞു.
Leave A Comment