തൃശൂർ മെഡിക്കൽ കോളജിലെ ഹൗസ് സർജൻ ട്രെയിനിടിച്ചു മരിച്ചനിലയിൽ
തൃശൂര്: യുവ ഡോക്ടര് റെയില് പാളത്തില് മരിച്ച നിലയില്. തൃശൂര് മെഡിക്കല് കോളജിലെ മാനസിക രോഗ വിഭാഗം ഡോക്ടർ മുഹമ്മദ് റയാനാണ് (25) മരിച്ചത്. മലപ്പുറം തിരൂരങ്ങാടി സ്വദേശിയാണ്.
രാവിലെ പത്ത് വരെ മെഡിക്കല് കോളജിലെ ഒപിയില് റയാന് പ്രവര്ത്തിച്ചിരുന്നു. ട്രെയിന് തട്ടി മരിച്ച നിലയിലാണ് ഡോക്ടറുടെ മൃതദേഹം കണ്ടെത്തിയത്. ആത്മഹത്യ ചെയ്തതാണെന്നാണ് പ്രാഥമിക നിഗമനം.
ഉച്ചയോടെ നാട്ടുകാരാണ് മൃതദേഹം ആദ്യം കണ്ടത്. പിന്നീട് പോലീസെത്തി മൃതദേഹം മെഡിക്കല് കോളജിലേക്ക് മാറ്റുകയായിരുന്നു.
മരണത്തില് മെഡിക്കല് കോളജ് പൊലീസ് അന്വേഷണം ആരംഭിച്ചു. സുഹൃത്തുക്കളില് നിന്നും സഹപ്രവര്ത്തകരില് നിന്നും ഉള്പ്പെടെ വിവരങ്ങള് തേടും.
Leave A Comment