ഏഴു വയസുകാരന് വിഴുങ്ങിയ മോതിരം അന്നനാളത്തില് നിന്ന് പുറത്തെടുത്തു
ആലുവ : കളിക്കുന്നതിനിടെ ഏഴ് വയസുകാരന് അബദ്ധത്തില് വിഴുങ്ങിയ മോതിരം ഡോക്ടര്മാര് സുരക്ഷിതമായി പുറത്തെടുത്തു. ആലുവ കുട്ടമശേരി സ്വദേശിയായ കുട്ടിയുടെ അന്നനാളത്തില് കുടുങ്ങിയ മോതിരമാണ് രാജഗിരി ആശുപത്രിയിലെ ഡോക്ടര്മാര് എന്ഡോസ്കോപ്പി വഴി പുറത്തെടുത്തത്.
കുട്ടി മോതിരം വിഴുങ്ങിയ ഉടന് തന്നെ വീട്ടുകാര് കുട്ടമശേരിയിലെ സ്വകാര്യ ആശുപത്രിയില് പ്രവേശിപ്പിച്ചു. എക്സറേ പരിശോധനയില് മോതിരം അന്നനാളത്തില് കുടുങ്ങിയതായി കണ്ടെത്തി. തുടര്ന്നാണ് എന്ഡോസ്കോപ്പി സൗകര്യമുളള രാജഗിരി ആശുപത്രിയിലേക്ക് കുട്ടിയെ മാറ്റിയത്. ഗ്യാസ്ട്രോ എന്ട്രോളജി വിഭാഗത്തിലെ വിദഗ്ധരായ ഡോക്ടര്മാരുടെ നേതൃത്വത്തില് എന്ഡോസ്കോപ്പ് ഉപയോഗിച്ച് മോതിരം സുരക്ഷിതമായി പുറത്തെടുത്തു.
ഗ്യാസ്ട്രോ എന്ട്രോളജിയിലെ ഡോ. തരുണ് ടോം ഉമ്മന്, ഡോ. ജോമോന് എം. ജോര്ജ്, ഡോ. ജിതിന് ജോണ്, ഇന്റര്വെന്ഷണല് ഹെപ്പറ്റോബിലിയറി റേഡിയോളജി വിഭാഗത്തിലെ ഡോ. എസ്. രാജേഷ്, ഡോ. അഖില് ബേബി എന്നിവര് ചികിത്സയ്ക്ക് നേതൃത്വം നല്കി. ആരോഗ്യനില തൃപ്തികരമായതോടെ, കുട്ടിയെ ഡിസ്ചാര്ജ് ചെയ്തു.
Leave A Comment