അമ്പിളിക്കരികെ ആര്‍ട്ടെമിസ് 2; നിർണായക ഘട്ടം കടന്ന് യാത്ര

• Apr 3, 2026

വാഷിംഗ്ടൺ ഡിസി: ചന്ദ്രനിലേക്കുള്ള യാത്രയിൽ നിർണായക ഘട്ടം കടന്ന് ആർട്ടെമിസ് 2 ദൗത്യം. നാല് ബഹിരാകാശ സഞ്ചാരികളെ വഹിക്കുന്ന ഓറിയോണ്‍ ബഹിരാകാശ പേടകം ഭൂമിയുടെ ഭ്രമണപഥം വിട്ട് ചന്ദ്രനിലേക്ക് യാത്ര തുടങ്ങി.

ഭൗമ പരിക്രമണപഥം വിടാനായി പേടകത്തിലെ എഞ്ചിനുകൾ പ്രവ‍ർത്തിപ്പിച്ചു ട്രാൻസ് ലൂണാർ ഇഞ്ചക്ഷൻ ബേണ്‍ പൂര്‍ത്തിയായതായി നാസ വ്യക്തമാക്കി. ഇന്ത്യൻ സമയം പുലർച്ചെ 5:19നായിരുന്നു ടിഎൽഐ ജ്വലനം. അഞ്ച് മിനിറ്റും അമ്പത് സെക്കൻഡുമെടുത്താണ് പ്രക്രിയ പൂ‌ർത്തിയാക്കിയത്.

ദൗത്യത്തിന്‍റെ അഞ്ചാം ദിനമാണ് ചാന്ദ്ര ആകർഷണ വലയത്തിൽ പ്രവേശിക്കുക. ഇതിനിടെ നാലംഗ സംഘം ആദ്യമായി ഭക്ഷണം കഴിക്കുകയും വ്യായാമം ചെയ്യുകയും ചെയ്തു. അമേരിക്കൻ മാധ്യമങ്ങളുമായി അര മണിക്കൂറോളം സംസാരിച്ച സംഘം ദൗത്യപുരോഗതി പങ്കുവച്ചു.

54 വ​ർ​ഷ​ത്തെ ഇ​ട​വേ​ള​യ്ക്ക് ശേ​ഷം മ​നു​ഷ്യ​നെ ച​ന്ദ്ര​നു​ചു​റ്റും എ​ത്തി​ക്കാ​ൻ നാ​സ ന​ട​ത്തു​ന്ന ച​രി​ത്ര​പ​ര​മാ​യ ദൗ​ത്യ​മാ​ണ് ആ​ർ​ട്ടി​മി​സ് 2. നാ​ല് പേ​രെ വ​ഹി​ച്ച് എ​സ്എ​ൽ​എ​സ് റോ​ക്ക​റ്റ് ഫ്ലോ​റി​ഡ​യി​ലെ കെ​ന്ന​ഡി സ്പേ​സ് സെ​ന്‍റ​റി​ൽ നി​ന്നാ​ണ് കു​തി​ച്ചു​യ​ർ​ന്ന​ത്.

മി​ഷ​ൻ ക​മാ​ൻ​ഡ​ർ നാ​സ​യു​ടെ റെ​യ്ഡ് വൈ​സ്മാ​ൻ, മി​ഷ​ൻ പൈ​ല​റ്റ് വി​ക്ട​ർ ഗ്ലോ​വ​ർ, മി​ഷ​ൻ സ്പെ​ഷ്യ​ലി​സ്റ്റു​ക​ളാ​യ നാ​സ​യു​ടെ ക്രി​സ്റ്റീ​ന കോ​ച്ച്, ക​നേ​ഡി​യ​ൻ ബ​ഹി​രാ​കാ​ശ ഏ​ജ​ൻ​സി​യു​ടെ ജെ​റെ​മി ഹാ​ൻ​സ​ൻ എ​ന്നി​വ​രാ​ണ് പേ​ട​ക​ത്തി​ലു​ള്ള​ത്.

ഏ​ക​ദേ​ശം 22 ല​ക്ഷം കി​ലോ​മീ​റ്റ​ർ ആ​ർ​ട്ടെ​മി​സ് 2 സം​ഘം യാ​ത്ര ചെ​യ്യും. ഓ​റി​യ​ൺ പേ​ട​ക​ത്തി​ലു​ള്ള പ്ര​ത്യേ​ക ഭ​ക്ഷ​ണ​മാ​ണ് യാ​ത്രി​ക​ർ ക​ഴി​ക്കു​ക. ആ​വ​ശ്യ​ത്തി​നു വെ​ള്ള​വും ഓ​ക്സി​ജ​നും പേ​ട​ക​ത്തി​ൽ സം​ഭ​രി​ച്ചി​ട്ടു​ണ്ട്. യാ​ത്രി​ക​ർ​ക്കാ​യി നാ​ല് സ്വ​കാ​ര്യ അ​റ​ക​ളും പൊ​തു​വാ​യി ഒ​രു ചെ​റി​യ ശു​ചി​മു​റി​യും പേ​ട​ക​ത്തി​ലു​ണ്ട്.

ര​ണ്ടു വ​ർ​ഷ​ത്തി​ന​കം ആ​ർ​ട്ടെ​മി​സ് 3 ദൗ​ത്യ​ത്തി​ലൂ​ടെ ച​ന്ദ്ര​നി​ൽ മ​നു​ഷ്യ​നെ ഇ​റ​ക്കാ​നാ​ണ് നാ​സ ല​ക്ഷ്യ​മി​ടു​ന്ന​ത്. അ​ന്ന് മ​നു​ഷ്യ​ർ​ക്ക് സു​ര​ക്ഷി​ത​മാ​യ സ​ഞ്ചാ​ര​പാ​ത​യും സൗ​ക​ര്യ​വും ഒ​രു​ക്കു​ക എ​ന്ന​താ​ണ് ആ​ര്‍​ട്ടെ​മി​സ് 2 ദൗ​ത്യ​ത്തി​ന്‍റെ ല​ക്ഷ്യം.

ഓട്ടോമേറ്റഡ് സംവിധാനങ്ങള്‍ തകരാറിലായാല്‍ ഉപയോഗിക്കുന്ന മാന്വല്‍ പൈലറ്റിങ് സംവിധാനം, പുതിയ ലേസര്‍ കമ്മ്യൂണിക്കേഷന്‍ സംവിധാനം അടക്കം സഞ്ചാരികള്‍ പരീക്ഷിക്കും. തുടര്‍ന്ന് ബഹിരാകാശ കിരണങ്ങള്‍ എങ്ങനെ സഞ്ചാരികളെ ബാധിക്കുമെന്ന വൈദ്യശാസ്ത്ര പഠനത്തിന് സഞ്ചാരികള്‍ സ്വയം വിധേയരാകും. ഭൂമിയിലേക്ക് തിരിക്കും മുന്‍പ് ഒരു തവണ ചന്ദ്രനെ ഓറിയോണ്‍ പേടകം വലംവയ്ക്കും. ഏപ്രില്‍ പത്തോടെ സംഘം തിരിച്ചെത്തും.