കുപ്രസിദ്ധ മോഷ്ടാവ് ഇരുപത്തിരണ്ട് വർഷങ്ങൾക്കു ശേഷം പിടിയിൽ
ചാലക്കുടി: പട്ടാപകൽ വീട് കുത്തി തുറന്ന് മോഷണം നടത്തി ഒളിവിൽ കഴിഞ്ഞിരുന്ന കുപ്രസിദ്ധ മോഷ്ടാവ് ഇരുപത്തിരണ്ട് വർഷങ്ങൾക്കു ശേഷം പിടിയിൽ . തമിഴ്നാട് തിരുനെൽവേലി പനവടലിഛത്രം സ്വദേശി കുമാർ (40 ) നെയാണ് ചാലക്കുടി പോലീസ് അറസ്റ്റ് ചെയ്തത്.
വിവിധ സംസ്ഥാനങ്ങളിലായി നൂറിലേറെ മോഷണക്കേസുകളിൽ പ്രതിയായ ഇയാൾ കുമ്മൻ , കൊമ്പൻ എന്നീ അപരനാമങ്ങളിലും അറിയപ്പെടുന്ന മോഷ്ടാവാണ്. ഇയാൾക്കെതിരെ വിവിധ ദക്ഷിണേന്ത്യൻ സംസ്ഥാനങ്ങളിലായി നിരവധി പോലീസ് സ്റ്റേഷനുകളിൽ അറസ്റ്റ് വാറണ്ടുകൾ നിലവിലുണ്ട്.
ചാലക്കുടി കണ്ണമ്പുഴ ക്ഷേത്രത്തിനു സമീപം താമസിക്കുന്ന വേണുഗോപാലിന്റെ വീടിന്റെ പിൻവാതിൽ കുത്തിപ്പൊളിച്ച് അകത്തു കയറി ഇരുപതിനായിരം രൂപയും നാലു പവനോളം സ്വർണ്ണാഭരണങ്ങളും ഇയാൾ മോഷണം നടത്തി. നിരവധി മോഷണ കേസുകൾ ഉള്ളതിനാൽ കുമാർ ഒളിവിൽ കഴിഞ്ഞുവരികയായിരുന്നു.
ചാലക്കുടി ഡിവൈഎസ്പി സി.ആർ സന്തോഷിന്റെ നേതൃത്വത്തിൽ സർക്കിൾ ഇൻസ്പെക്ടർ സന്ദീപ് കെ.എസ്, എസ് ഐ ഷബീബ് റഹ്മാൻ, എഎസ്ഐ സതീശൻ എം.എൻ , സീനിയർ സിപിഒമാരായ ജിബി ടി.സി, സലീഷ് കെ.ബി, സതീഷ് ടി.ജെ, സിവിൽ പോലിസ് ഓഫീസർമാരായ ചഞ്ചൽ, അനീഷ്, ഡിവെഎസ്പിയുടെ കീഴിലെ ക്രൈംസ്ക്വാഡ് അംഗങ്ങൾ, സ്പെഷ്യൽ ബ്രാഞ്ച് എഎസ്ഐ ബിജു ഒ.എച്ച് എന്നിവരാണ് അന്വേഷണ സംഘത്തിൽ ഉണ്ടായിരുന്നത്.
ഇയാളെ പാളയം കോട്ടൈ അതി സുരക്ഷാ ജയിലിലേയ്ക്ക് റിമാന്റ് ചെയ്തു.
Leave A Comment