ചാണകത്തിൽ നിന്ന് സിഎൻജി; ഗുജറാത്തിൽ നിന്നുള്ള ചിത്രങ്ങളുമായി മന്ത്രി ചിഞ്ചുറാണി
തിരുവനന്തപുരം: പൂർണമായും ചാണകത്തിൽ നിന്ന് സിഎൻജി ഉൽപ്പാദിപ്പിക്കുന്ന ഗുജറാത്തിലെ ബനാസ് ഡയറിയുടെ പ്ലാന്‍റിലെ ചിത്രങ്ങള്‍ ഫേസ്ബുക്കിൽ പങ്കുവച്ച് മന്ത്രി ജെ. ചിഞ്ചുറാണി.
കര്‍ഷകരുടെ വീടുകളില്‍ പോയി ചാണകം വാങ്ങി പ്ലാന്‍റില്‍ കൊണ്ടുവരുന്നു. കര്‍ഷകര്‍ക്ക് അതിന് അധിക വരുമാനവും ലഭിക്കുന്നുവെന്നും മന്ത്രി പറഞ്ഞു.
ഇവിടെ പൂര്‍ണമായും ചാണകം മാത്രം ഉപയോഗിച്ച് വാണിജ്യ അടിസ്ഥാനത്തിലാണ് സിഎന്‍ജി ഉല്‍പ്പാദിപ്പിക്കുന്നത്. പ്രതിദിനം 40 ടണ്‍ ചാണകം കൊണ്ട് 800 കിലോ ഗ്യാസ് ഉല്‍പ്പാദിപ്പിക്കുന്നു.
ഉപ ഉല്‍പ്പന്നങ്ങളായി ഓര്‍ഗാനിക് വളവും ഉണ്ടാക്കുന്നു.- മന്ത്രി ഫേസ്ബുക്കിൽ കുറിച്ചു.
Leave A Comment