അന്ത്യ അത്താഴ സ്മരണയില് ഇന്നു പെസഹ; പള്ളികളിൽ കാൽകഴുകൽ ശുശ്രൂഷ
തിരുവനന്തപുരം: യേശു ക്രിസ്തുവിന്റെ അന്ത്യത്താഴ സ്മരണ പുതുക്കി ലോകമെങ്ങുമുള്ള ക്രൈസ്തവർ ഇന്നു പെസഹ വ്യാഴം ആചരിക്കുന്നു. 12 ശിഷ്യന്മാരുമൊത്തുള്ള യേശുവിന്റെ അന്ത്യ അത്താഴത്തിന്റെ ഓര്മ പുതുക്കലാണ് പെസഹ.
പള്ളികളിൽ കാൽകഴുകൽ ശുശ്രൂഷ, ദിവ്യബലി, ദിവ്യകാരുണ്യ ആരാധന, അപ്പം മുറിക്കൽ ശുശ്രൂഷ എന്നിവയുണ്ട്. പെസഹാചരണത്തിന്റെ ഭാഗമായി പല പള്ളികളിലും വിശുദ്ധ കുർബാനയും കാൽകഴുകൽ ശുശ്രൂഷയും നടന്നു. പുളിപ്പില്ലാത്ത അപ്പത്തിന്റെ തിരുനാൾ കൂടിയാണ് പെസഹ.
സീറോ മലബാർ സഭ ആസ്ഥാനമായ കാക്കനാട് മൗണ്ട് സെന്റ് തോമസിൽ ഇന്നു രാവിലെ ഏഴിന് ആരംഭിച്ച പെസഹാ തിരുക്കർമങ്ങളിൽ സീറോ മലബാർ സഭ മേജർ ആർച്ച്ബിഷപ് മാർ റാഫേൽ തട്ടിൽ മുഖ്യകാർമികത്വം വഹിച്ചു. ഉച്ചകഴിഞ്ഞാണ് കൂടുതൽ പള്ളികളിലും പെസഹ കർമങ്ങൾ ക്രമീകരിച്ചിരിക്കുന്നത്.
പള്ളികളിലെ ചടങ്ങുകൾക്കു ശേഷം വീടുകളിൽ പെസഹ അപ്പം മുറിക്കും. യേശുവിന്റെ കുരിശു മരണത്തിന്റെ സ്മരണയിൽ നാളെ ദുഃഖവെള്ളി ആചരിക്കും.
Leave A Comment