കൊടകര ഇഞ്ചക്കുണ്ടില്‍ നിന്ന് ചാരായവും വാഷും വാറ്റ് ഉപകരണങ്ങളും പിടികൂടി
കൊടകര : ഇഞ്ചക്കുണ്ടില്‍ നിന്ന് 29 ലിറ്റര്‍ ചാരായവും 150 ലിറ്റര്‍ വാഷും, വാറ്റുപകരണങ്ങളും പിടികൂടി. സംഭവവുമായി ബന്ധപ്പെട്ട് ഇഞ്ചക്കുണ്ട് കണ്ണമ്പുഴ വീട്ടില്‍ 39 വയസുള്ള ഷില്‍ജുവിനെ എക്‌സൈസ് സംഘം അറസ്റ്റ് ചെയ്തു. ക്രിസ്തുമസ് ന്യൂഇയര്‍ സ്‌പെഷ്യല്‍ ഡ്രൈവിന്റെ ഭാഗമായി ഇരിഞ്ഞാലക്കുട എക്‌സൈസ് റേഞ്ച് ഉദ്യോഗസ്ഥര്‍ നടത്തിയ റെയ്ഡിലാണ് ചാരായം പിടികൂടിയത്.
എക്‌സൈസ് ഇന്‍സ്‌പെക്ടര്‍ കെ.എ. അനീഷ്, പ്രിവന്റ്റ്റീവ് ഓഫീസര്‍ സുനില്‍, ഐബി പ്രിവന്റിവ് ഓഫീസര്‍ അബ്ദ് ഗലി, ഉദ്യോഗസ്ഥരായ ജീവേഷ്, ഷെന്നി, രാജേന്ദ്രന്‍, ശ്യാമലത ഷാന്‍ എന്നിവരുടെ നേതൃത്വത്തിലായിരുന്നു റെയ്ഡ്.
Leave A Comment