തൃശൂർ: പെരിങ്ങൽകുത്ത് ഡാമിന്റെ ഒരു ഷട്ടർ 4 അടി ഉയർത്തി

വ്യഷ്ടിപ്രദേശത്ത് മഴ കനത്തതിനെ തുടർന്നാണ് ഷട്ടർ ഉയർത്തിയത്. രാവിലെ ജലനിരപ്പ് 423.15 മീറ്റർ എത്തിയതോടെ റെഡ് അലർട്ട് പ്രഖ്യാപിച്ചിരുന്നു. 423.98 ആണ് അണക്കെട്ടിന്‍റെ പരമാവധി ജല സംഭരണശേഷി. അതിനാലാണ് ഷട്ടര്‍ നാല് അടി ഉയര്‍ത്തിയത്‌. അതിനിടെ  സംസ്ഥാനത്ത് രണ്ട് ജില്ലകളിൽ ഓറഞ്ച് അലർട്ട്പ്രഖ്യാപിച്ചിട്ടുണ്ട് . കണ്ണൂർ, കാസർകോട് ജില്ലകളിലാണ് ഓറഞ്ച് അലർട്ട്.  ആറു ജില്ലകളിൽ യെല്ലോ അലർട്ടും പ്രഖ്യാപിച്ചിട്ടുണ്ട്. വയനാട്, കോഴിക്കോട്, മലപ്പുറം, ഇടുക്കി, എറണാകുളം, കോട്ടയം  ജില്ലകളിലാണ് യെല്ലോ  അലർട്ട്.