പുതുപ്പള്ളി: നാമനിർദേശ പത്രിക സമർപ്പണം ഇന്നു മുതൽ
പുതുപ്പള്ളി: പുതുപ്പള്ളി ഉപതെരഞ്ഞെടുപ്പിന്റെ നാമനിർദേശ പത്രിക സമർപ്പണം ഇന്നു മുതൽ. 17 വരെ വോട്ടർ പട്ടികയിൽ പേരു ചേർക്കാമെന്നു സംസ്ഥാന മുഖ്യതെരഞ്ഞെടുപ്പ് ഓഫിസർ അറിയിച്ചു. സെപ്റ്റംബർ അഞ്ചിന് നടക്കുന്ന പുതുപ്പള്ളി ഉപതെരഞ്ഞെടുപ്പിനു വിജ്ഞാപനം പുറത്തിറക്കിയിരുന്നു.
ഓഗസ്റ്റ് 17 വരെ നാമനിർദേശ പത്രിക സമർപ്പിക്കാം. പത്രിക സമർപ്പിക്കാനുള്ള അവസാന തീയതിയായ ഓഗസ്റ്റ് 17 വരെ വോട്ടർപട്ടികയിൽ പേരു ചേർക്കാം. പത്രികകളുടെ സൂക്ഷ്മപരിശോധന 18നു നടക്കും. പത്രിക പിൻവലിക്കാനുള്ള അവസാന തീയതി ഓഗസ്റ്റ് 21 ആണ്.
സെപ്റ്റംബർ അഞ്ചിന് രാവിലെ ഏഴു മുതൽ വൈകുന്നേരം ആറു വരെയാണ് പോളിംഗ്. സെപ്റ്റംബർ എട്ടിനാണ് വോട്ടെണ്ണൽ. ഭിന്നശേഷി സൗഹൃദ ബൂത്തുകളും ഗ്രീൻ പ്രോട്ടോകോൾ പാലിച്ചുള്ള ഹരിത ബൂത്തുകളും തെരഞ്ഞെടുപ്പിനായി ഒരുക്കും.
ക്രിമിനൽ പശ്ചാത്തലമുള്ള സ്ഥാനാർഥികൾ ടെലിവിഷനിലൂടെയും പത്രത്തിലൂടെയും പ്രചാരണസമയത്ത് മൂന്നു തവണ ഇതു സംബന്ധിച്ച വിവരം പരസ്യപ്പെടുത്തണം. ക്രിമിനൽ പശ്ചാത്തലമുള്ള സ്ഥാനാർഥിയെ മത്സരിപ്പിക്കുന്ന പാർട്ടികൾ വെബ്സൈറ്റിലും വിവരം പരസ്യപ്പെടുത്തണം.
പുതുപ്പള്ളി മണ്ഡലത്തിലെ അടിസ്ഥാന വിവരങ്ങൾ
ആകെ വോട്ടർമാർ - 1,75,605
സ്ത്രീ വോട്ടർമാർ - 89,897
പുരുഷ വോട്ടർമാർ - 85,705
ഭിന്നലിംഗ വോട്ടർമാർ - 3
സ്ത്രീ-പുരുഷ അനുപാതം - 1049
80 വയസിനു മുകളിലുള്ള വോട്ടർമാർ - 6376
ഭിന്നശേഷി വോട്ടർമാർ - 1765
പ്രവാസി വോട്ടർമാർ - 181
സർവീസ് വോട്ടർമാർ - 138
പോളിംഗ് സ്റ്റേഷനുകളുടെ എണ്ണം - 182
ആകെ പോളിംഗ് ലൊക്കേഷനുകൾ - 96
Leave A Comment