തെരുവുനായ്ക്കളെ കുടുക്കിട്ട് പിടിച്ച് കൊന്നു; രണ്ട് പേർ അറസ്റ്റിൽ
നെടുമ്പാശേരി : തെരുവുനായ്ക്കളെ കുടുക്കിട്ട് പിടിച്ച് വലിച്ചിഴച്ച് കൊണ്ടുപോയി കൊലപ്പെടുത്തിയ കേസിൽ രണ്ട് പേർ പിടിയിൽ. വാൽപ്പാറ സ്വദേശി പുനീത് രാജ് (55), വരാപ്പുഴ മണ്ണന്തുരുത്ത് രഞ്ജൻ (64) എന്നിവരെയാണ് നെടുമ്പാശേരി പോലീസ് പിടികൂടിയത്.
കഴിഞ്ഞ മാസം 27ന് രാവിലെയായിരുന്നു സംഭവം. ദേശം കുന്നുംപുറം ഭാഗത്ത് നായ്ക്കളെ കുടുക്കിട്ട് പിടിച്ച ശേഷം വഴിയിലൂടെ വലിച്ചിഴച്ച് കൊണ്ടുപോയി കൊലപ്പെടുത്തുകയായിരുന്നു.
ഇത് മൃഗസ്നേഹിയായ ഒരു യാത്രക്കാരൻ കാണുകയും മൊബൈൽ ഫോണിൽ ചിത്രീകരിക്കുകയും ചെയ്തു. തുടർന്ന് പോലീസിൽ പരാതി നൽകുകയായിരുന്നു. ഇൻസ്പെക്ടർ ബി.കെ, അരുണിന്റെ നേതൃത്വത്തിലായിരുന്നു അന്വേഷണം നടന്നത്.
Leave A Comment