കുതിരാന്‍ തുരങ്കത്തിനുള്ളില്‍ അപകടം; യാത്രക്കാരന്‍റെ കൈ അറ്റു
തൃശൂര്‍: കുതിരാന്‍ തുരങ്കത്തിനുള്ളില്‍ മിനി ലോറി അപകടത്തില്‍പ്പെട്ട് യാത്രക്കാരന്‍റെ കൈ അറ്റുപോയി. കൊല്ലങ്കോട് സ്വദേശി സുജിന്‍റെ (22) ഇടതുകൈ ആണ് മുട്ടിന് മുകളില്‍ വച്ച് അറ്റുപോയത്.
ഇന്ന് രാവിലെയാണ് അപകടമുണ്ടായത്. കോഴി കയറ്റി വന്ന മിനി ലോറിയാണ് അപകടത്തില്‍പ്പെട്ടത്. വാഹനത്തിന്‍റെ നിയന്ത്രണം നഷ്ടമായതാണ് അപകടത്തിന് കാരണം.
നിയന്ത്രണം വിട്ട വാഹനം തുരങ്കത്തിന്‍റെ ഒരു വശം ചേര്‍ന്ന് പോവുന്നതിന്‍റെയും കൈവരിയില്‍ തട്ടുന്നതിന്‍റെയും ദൃശ്യങ്ങള്‍ പുറത്തുവന്നിട്ടുണ്ട്. അതിനിടെ സുജിന്‍റെ കൈ കൈവരിയില്‍ പെടുകയായിരുന്നു.
പരിക്കേറ്റ സുജിനെ ഒരു ആംബുലന്‍സിലും കൈ മറ്റൊരു ആംബുലന്‍സിലുമായാണ് ആശുപത്രിയില്‍ എത്തിച്ചത്.
Leave A Comment