പണം തട്ടിയെടുത്തു, മര്ദിച്ചു; ഞാറയ്ക്കല് പോലീസിനെതിരെ പരാതി
കൊച്ചി: ഞാറയ്ക്കല് പോലീസ് മര്ദിച്ച സംഭവത്തില് മുഖ്യമന്ത്രിക്കും ഡിജിപിക്കും പരാതി നല്കി യുവാക്കള്.
വ്യാഴാഴ്ച വൈകുന്നേരമാണ് പുതുവൈപ്പ് ബീച്ച് പരിസരത്തു വച്ച് മൂന്നു പോലീസ് ഉദ്യോഗസ്ഥര് യുവാക്കളെ മര്ദിച്ചത്. പുതുവൈപ്പ് സ്വദേശികളായ നിതിന് ലിങ്കണ്, നെസ്റ്റണ് എന്നിവര്ക്കാണ് മര്ദനമേറ്റത്.
പോലീസ് ഇവരില് നിന്നും 4,700 രൂപയും 100 പൗണ്ടും തട്ടിയെടുത്തതായും പരാതിയില് പറയുന്നുണ്ട്.
പോലീസ് ഉദ്യോഗസ്ഥര് വന്ന സ്വകാര്യ വാഹനം അമിതവേഗത്തില് വരുന്നതു കണ്ട് ചോദ്യം ചെയ്തതാണ് മര്ദനത്തിന് കാരണമായത് എന്നാണ് യുവാക്കള് പറയുന്നത്.
Leave A Comment