പ്രിയദര്ശിനി സമഗ്ര സാഹിത്യ പുരസ്കാരം കഥാകൃത്ത് ടി പത്മനാഭന്
തിരുവനന്തപുരം: കെപിസിസിയുടെ പ്രസിദ്ധീകരണ വിഭാഗമായ പ്രിയദര്ശിനി പബ്ലിക്കേഷന്സ് സമഗ്ര സാഹിത്യ സംഭാവനക്കായി ഏര്പ്പെടുത്തിയ പ്രഥമ പ്രിയദര്ശിനി സാഹിത്യ പുരസ്കാരത്തിന് പ്രമുഖ കഥാകൃത്ത് ടി പത്മനാഭന് അര്ഹനായതായി ജൂറി ചെയര്മാന് അടൂര് ഗോപാലകൃഷ്ണന് അറിയിച്ചു.തിരുവനന്തപുരം പ്രസ് ക്ലബ്ബില് നടത്തിയ പത്രസമ്മേളനത്തിലാണ് അവാര്ഡ് പ്രഖ്യാപിച്ചത്. ഒരു ലക്ഷം രൂപയും ആര്ട്ടിസ്റ്റ് ബിഡി ദത്തന് രൂപകല്പ്പന ചെയ്ത ശില്പവും പ്രശംസാ പത്രവും അടങ്ങുന്നതാണ് പുരസ്കാരം. 2023 ഡിസംബറില് പുരസ്കാര ദാന ചടങ്ങ് നടക്കും. യു കെ കുമാരന്, ഗ്രേസി, സുധാ മേനോന്, അഡ്വ. പഴകുളം മധു എന്നിവര് ആയിരുന്നു. അവാര്ഡ് നിര്ണ്ണയ സമതിയിലെ മറ്റു അംഗങ്ങള്.
മുന് പ്രധാനമന്ത്രി ഇന്ദിരാ ഗാന്ധിയുടെ പേരിലാണ് പുരസ്കാരം നല്കുന്നത്. നവതി പിന്നിട്ട പത്മനാഭന്റെ സമഗ്രമായ സാഹിത്യ സംഭാവനകളും ശ്രദ്ധേയ ഇടപെടലുകളും കണക്കിലെടുത്താണ് പുരസ്കാരത്തിന് പരിഗണിച്ചതെന്ന് ചെയര്മാന് അടൂര് ഗോപാലകൃഷ്ണന് പറഞ്ഞു. സാഹിത്യത്തിലും സാംസ്കാരിക തലത്തിലും വേറിട്ട രീതികള്ക്ക് തുടക്കം കുറിച്ച പത്മനാഭന് ഒരു കാലഘട്ടത്തിന്റെ വക്താവു കൂടിയാണ്.
Leave A Comment