സര്ക്കാര് ജോലി കാലിചന്തയിലെ ലേലം വിളിയല്ലെന്ന് സുധാകരന്
തിരുവനന്തപുരം: സഖാക്കള്ക്ക് വില്പ്പനയ്ക്ക് വയ്ക്കാന് സര്ക്കാര് ജോലി കാലിചന്തയിലെ ലേലം വിളിയല്ലെന്ന് കെപിസിസി അധ്യക്ഷൻ കെ. സുധാകരന്. കേരളത്തിലെ അഭ്യസ്തവിദ്യരായ തൊഴിലന്വേഷകരെ അവഹേളിക്കുകയാണ് സിപിഎം. സര്ക്കാര് ജോലി ലഭിക്കാന് പാർട്ടി ശിപാര്ശ വേണമെന്നത് അപമാനമാണെന്നും അദ്ദേഹം പറഞ്ഞു.
ചട്ടങ്ങളും നിയമങ്ങളും മറികടന്ന് താല്ക്കാലിക നിയമനത്തിന് ജില്ലാ സെക്രട്ടറിയുടെ മുന്ഗണനാ പട്ടിക ചോദിച്ച മേയറുടെ നടപടി നിയമവിരുദ്ധം. സത്യപ്രതിജ്ഞാ ലംഘനം നടത്തിയ മേയറെ പുറത്താക്കി നിയമനടപടി സ്വീകരിക്കണം.
സര്ക്കാര്, അര്ധസര്ക്കാര് സ്ഥാപനങ്ങളില് സിപിഎം ഭരണകാലയളവില് നടത്തിയ എല്ലാ നിയമനങ്ങളിലും അന്വേഷണം ആവശ്യമാണെന്നും നോക്കുകുത്തിയായ പിഎസ്സിയെ പിരിച്ചുവിടുന്നതാണ് നല്ലതെന്നും സുധാകരന് പറഞ്ഞു.
Leave A Comment