ഐഎഎസ്, ഐപിഎസ് ഉദ്യോഗസ്ഥർക്ക് മാറ്റം; നിർദേശം നൽകി തെരഞ്ഞെടുപ്പ് കമ്മീഷൻ
കൊച്ചി: നിയമസഭാ തെരഞ്ഞെടുപ്പ് ഒരുക്കങ്ങളുടെ ഭാഗമായി ഐഎഎസ്, ഐപിഎസ് ഉദ്യോഗസ്ഥരെ സ്ഥലം മാറ്റി തെരഞ്ഞെടുപ്പ് കമ്മീഷന്. നാരായണന് ഐപിഎസ് കോഴിക്കോട് പോലീസ് ജില്ല മേധാവിയാകും. തോംസണ് ജോസ് ഐപിഎസ് തൃശൂര് റേഞ്ച് ഡിഐജിയായി ചുമതലയേല്ക്കും.
കെ. ഇമ്പശേഖര് ഐഎസിനെ ആലപ്പുഴ കലക്ടറായും തെരഞ്ഞെടുപ്പ് ഓഫീസറായും നിയമിച്ചു. കേരള അഡ്മിനിസ്ട്രേറ്റീവ് സര്വീസ് (കെഎഎസ്) ഓഫീസര്മാരില് എസ്. വന്ദനയെ തളിപ്പറമ്പ് ആര്ഡിഒയായും ഇരിക്കൂര് മണ്ഡലത്തിലെ റിട്ടേണിംഗ് ഓഫീസര് ആയും നിയമിച്ചു.
സച്ചിന് കൃഷ്ണ കണ്ണൂരില് ജില്ല രജിസ്ട്രാര് ജനറലായും ധര്മ്മടം മണ്ഡലത്തിലെ റിട്ടേണിംഗ് ഓഫീസറായും പ്രവര്ത്തിക്കും. സംസ്ഥാന തെരഞ്ഞെടുപ്പ് ഒരുക്കങ്ങള് അവലോകനം ചെയ്ത ശേഷമാണ് തെരഞ്ഞെടുപ്പ് കമ്മീഷന് ചീഫ് സെക്രട്ടറിക്ക് നിര്ദേശങ്ങള് നല്കിയത്.
ഈ ഉദ്യോഗസ്ഥരെ വളരെ പെട്ടെന്ന് തന്നെ നിയമിച്ച് ബുധനാഴ്ച രാവിലെ 11 മണിക്കുള്ളില് റിപ്പോര്ട്ട് സമര്പ്പിക്കാനും സംസ്ഥാന സര്ക്കാരിന് നിര്ദേശം നല്കിയിട്ടുണ്ട്. നിലവിലുള്ള തസ്തികകളില് നിന്നും സ്ഥലം മാറ്റപ്പെട്ട ഉദ്യോഗസ്ഥര്ക്ക് തെരഞ്ഞെടുപ്പ് പൂര്ത്തിയാകുന്നതു വരെ തെരഞ്ഞെടുപ്പുമായി ബന്ധപ്പെട്ട് മറ്റ് ഉത്തരവാദിത്വമൊന്നും നല്കരുതെന്നും കമ്മീഷന് വ്യക്തമാക്കിയിട്ടുണ്ട്.
Leave A Comment