അഷ്ടമിച്ചിറയിലെ വാഹനാപകട മരണം; ലിജയുടെ സംസ്കാരം നാളെ
മാള: അഷ്ടമിച്ചിറയിൽ വെച്ചുണ്ടായ വാഹനാപകടത്തിൽ മരിച്ച ലിജ(43)യുടെ സംസ്കാരം നാളെ (31-10-25) നടക്കും. പുത്തൻചിറ ഈസ്റ്റ് സെന്റ് ജോസഫ് ദേവാലയ സെമിത്തെരിയിലാണ് വൈകീട്ട് 3.30ന് സംസ്കാരശുശ്രൂഷകൾ നടക്കുക.ഇന്നലെ വൈകീട്ട് നടന്ന വാഹനാപകടത്തിൽ ഗുരുതരമായി പരിക്ക് പറ്റി ചികിത്സയിലിരിക്കെ ഇന്ന് രാവിലെയായിരുന്നു പുത്തൻചിറ വിതമറ്റത്തിൽ പുല്ലുപ്പറമ്പിൽ ജേക്കബ് ഭാര്യ ലിജ മരണമടഞ്ഞത്.
ഭർത്താവിനൊപ്പം അഷ്ടമിച്ചിറയിൽ നിന്നും പുത്തൻചിറയിലുള്ള വീട്ടിലേക്ക് പോകുന്ന വഴി എതിർഭാഗത്തുനിന്നും മറ്റൊരു കാറിനെ ഓവർടേക്ക് ചെയ്തു വന്നിരുന്ന ബൈക്ക് ജേക്കബിന്റെ വാഹനത്തിൽ തട്ടുകയും ബൈക്കിന്റെ പുറകിൽ ഉണ്ടായിരുന്ന ലിജ മലർന്നടിച്ച് റോഡിലേക്ക് വീഴുകയും ആയിരുന്നു. തുടർന്ന് ബൈക്ക് എതിരെ വന്നിരുന്ന മറ്റൊരു കാറിൽ ഇടിച്ച് നിൽക്കുകയായിരുന്നു.
തലയ്ക്ക് ഗുരുതരമായി പരിക്കേറ്റ ലിജയെ ആശുപത്രിയിൽ എത്തിച്ച് സർജറി നടത്തിയെങ്കിലും ജീവൻ രക്ഷിക്കാനായില്ല.
ഇവരെ ഇടിച്ച ബൈക്ക് നിർത്താതെ പോവുകയായിരുന്നു. ജേക്കബിന് ഗുരുതര പരിക്കുകൾ ഒന്നും ഇല്ല. മാള പോലീസ് അന്വേഷണം ആരംഭിച്ചിട്ടുണ്ട്.
Leave A Comment