മുകുന്ദപുരം പബ്ലിക് സ്കൂളിൽ ചിത്രശില്പ്പകല പ്രദർശനം
ഇരിങ്ങാലക്കുട: മണപ്പുറം ഫൗണ്ടേഷന്റെ കീഴിൽ പ്രവർത്തിക്കുന്ന മുകുന്ദപുരം പബ്ലിക് സ്കൂളിൽ സമ്മർ ക്യാമ്പിനോട് അനുബന്ധിച്ച് പ്രശസ്ത ശില്പിയും ചിത്രകാരനുമായ ഡാവിഞ്ചി സുരേഷിന്റെ ചിത്രങ്ങളും ശില്പങ്ങളും ഉൾപ്പെടുത്തിക്കൊണ്ട് മെഗാ എക്സിബിഷൻ വെള്ളാങ്കല്ലൂർ ബ്ലോക്ക് പഞ്ചായത്ത് പ്രസിഡന്റ് സുധാ ദിലീപ് ഉദ്ഘാടനം ചെയ്തു. പ്രിൻസിപ്പാൾ ജിജി കൃഷ്ണ അധ്യക്ഷത വഹിച്ചു.കുട്ടികളിലെ കലാമൂല്യങ്ങളെ ഏറ്റവും മൂല്യവത്തായ രീതിയിൽ പരിപോഷിപ്പിക്കാൻ ഇത്തരം എക്സിബിഷനുകൾ ഈ കാലഘട്ടത്തിൽ അനിവാര്യമാണെന്നും അതിനുവേണ്ടി മുകുന്ദപുരം പബ്ലിക് സ്കൂൾ വിപുലമായ രീതിയിൽ മുന്നോട്ടു വന്നിരിക്കുകയാണെന്നും സുധാ ദിലീപ് പറഞ്ഞു. എക്സിബിഷൻ അതിവിപുലമായി സംഘടിപ്പിക്കാൻ സാധിച്ചതിൽ സന്തോഷമുണ്ടെന്നും ശ്രീ ഡാവിഞ്ചി സുരേഷ് പറഞ്ഞു. അഡ്മിനിസ്ട്രേറ്റ് ലളിത വി, ആർ രശ്മി, ഷീബ എ എക്സ്, രേഖ ടി എസ് , സിനി കെ ജി, ഭവ്യ പി ടി എന്നിവർ സംസാരിച്ചു.
Leave A Comment