വെള്ളാങ്ങല്ലൂരിൽ രണ്ടാം മെഗാ വാക്സിനേഷൻ ക്യാമ്പ്
വെള്ളാങ്ങല്ലൂർ : വെള്ളാങ്ങല്ലൂർ ഗ്രാമപഞ്ചായത്ത് വെറ്ററിനറി ആശുപത്രിയിൽ സംഘടിപ്പിച്ച രണ്ടാമത് മെഗാ വാക്സിനേഷൻ ക്യാമ്പ് പ്രസിഡണ്ട് എം. എം. മുകേഷ് ഉൽഘാടനം ചെയ്തു. ക്യാമ്പിൽ 62 നായകൾക്ക് പേവിഷബാധക്കെതിരെയുള്ള ആൻറി റാബിസ് വാക്സിനേഷൻ നല്‍കി.
രണ്ട് ക്യാമ്പുകളിലും മറ്റ് ദിവസങ്ങളിലുമായി 400ൽ പരം വളർത്ത് മൃഗങ്ങൾക്ക് വാക്സിനേഷൻ പൂർത്തിയാക്കിയതായി അധികൃതര്‍ അറിയിച്ചു.
ലൈസൻസിനായി ഇതുവരെ 216 അപേക്ഷകൾ ലഭിച്ചിട്ടുണ്ട്.
ഗ്രാമപഞ്ചായത്തിലെ മുഴുവൻ വളർത്തുമൃഗങ്ങൾക്കും വാക്സിനേഷനും ലൈസൻസും ഉറപ്പാക്കുന്നതോടൊപ്പം ലൈസൻസില്ലാതെ നായകളെ വളർത്തുന്നവർക്കെതിരെ നടപടികൾ സ്വീകരിക്കുമെന്നും സെക്രട്ടറി കെ റിഷി അറിയിച്ചു.
വെറ്റിനറി സർജ്ജൻ ഡോക്ടർ പി.വി. ഷിബുവിന്‍റെ നേതൃത്വത്തിൽ നടന്ന ക്യാമ്പിൽ അസി. ഫീൽഡ് ഓഫീസർ എസ് കെ റഷീദ, ലൈവ് സ്റ്റോക് ഇൻസ്പെക്ടർ സി വി ജിനൊ, അറ്റൻഡൻ്റ് മിനി, ഗ്രാമ പഞ്ചായത്ത്അസി.സെക്രട്ടറി സുജൻ പൂപ്പത്തി എന്നിവർ പങ്കെടുത്തു.
Leave A Comment