കുടിവെള്ളക്ഷാമം: പറവൂരിൽ ഡി.വൈ.എഫ്.ഐ. ധർണ

• Sep 25, 2022

പറവൂർ : പറവൂരിലെ തീരദേശ പഞ്ചായത്തുകളിലെ രൂക്ഷമായ കുടിവെള്ളക്ഷാമം പരിഹരിക്കണമെന്ന് ആവശ്യപ്പെട്ട് ഡി.വൈ.എഫ്.ഐ. ബ്ലോക്ക് കമ്മിറ്റിയുടെ നേതൃത്വത്തിൽ പ്രതിഷേധ ധർണ നടത്തി. കുടിവെള്ള വിതരണ പൈപ്പുകൾ കാലപ്പഴക്കത്താൽ നിരന്തരം പൊട്ടി ശുദ്ധജലം പാഴാകുന്നത് പതിവുകാഴ്ചയാണ്. വടക്കേക്കര, ചിറ്റാറ്റുകര, കോട്ടുവള്ളി പഞ്ചായത്തുകളിലെ ജനങ്ങൾ കുടിവെള്ളത്തിനായി ബുദ്ധിമുട്ടുകയാണ്. സമരം സി.പി.എം. ഏരിയ സെക്രട്ടറി ടി.ആർ. ബോസ് ഉദ്ഘാടനം ചെയ്തു. പി.ആർ. സജേഷ്‌കുമാർ അധ്യക്ഷത വഹിച്ചു. നഗരസഭാ പ്രതിപക്ഷ നേതാവ് ടി.വി. നിഥിൻ, ജില്ലാ പഞ്ചായത്തംഗം എ.എസ്. അനിൽകുമാർ, ഇ.ബി. സന്തു, എസ്. സന്ദീപ്, എം.എസ്. അരുൺജി എന്നിവർ സംസാരിച്ചു.