പ്രാദേശികം

ഇരിഞ്ഞാലക്കുട ക്രൈസ്റ്റ് കോളേജിൽ വിദ്യാർത്ഥി സംഘർഷം ; മൂന്ന് വിദ്യാർത്ഥികൾക്ക് പരിക്ക്

ഇരിങ്ങാലക്കുട: ഇരിങ്ങാലക്കുട ക്രൈസ്റ്റ് കോളേജിൽ മൂന്നാംവർഷ വിദ്യാർത്ഥികളും രണ്ടാംവർഷ  വിദ്യാർത്ഥികളും തമ്മിൽ ഇന്നലെ നടന്ന സംഘർഷത്തിൽ മൂന്ന് വിദ്യാർത്ഥികൾക്ക് പരിക്കേറ്റു.

പരിക്കേറ്റ ഡിഗ്രി രണ്ടാം വർഷ വിദ്യാർത്ഥികളായ  സുധാകർ (20), അഖിൽ (19) എന്നിവരെ താലൂക്ക് ആശുപത്രിയിലും മൂന്നാം വർഷ ഡിഗ്രി വിദ്യാർത്ഥി അലീഷ് (20) സ്വകാര്യ ആശുപത്രിയിലും പ്രവേശിപ്പിച്ചു.

വിദ്യാർത്ഥികൾ തമ്മിലുണ്ടായ സംഘർഷത്തിൽ രാഷ്ട്രീയം ഇല്ലായിരുന്നു എന്നും വിഷയത്തെ രാഷ്ട്രീയവൽക്കരിക്കാൻ എസ് എഫ് ഐ ശ്രമിക്കുകയാണെന്നും  കെ എസ് യു സമൂഹമാധ്യമത്തിലൂടെ പ്രസ്താവനയിറക്കി.

എന്നാൽ കോളേജിലെ സമാധാന അന്തരീക്ഷം തകർക്കുന്ന തരത്തിൽ എസ് എഫ് ഐ പ്രവർത്തകർക്കു നേരെ കെ എസ് യു ആക്രമം നടത്തുകയായിരുന്നുവെന്നും എസ് എഫ് ഐയും ആരോപിച്ചു.

Leave A Comment