എസ്ഐആർ: തമിഴ്നാട്ടിൽ ഒരുകോടിയോളം വോട്ടർമാർ പുറത്ത്
ചെന്നൈ: വോട്ടർപട്ടിക തീവ്രപരിഷ്കരണത്തിന്റെ ഭാഗമായി തമിഴ്നാട്ടിൽ തയാറാക്കിയ കരടുപട്ടികയിൽനിന്ന് ഒരു കോടിയോളം വോട്ടർമാർ പുറത്ത്.
ചെന്നൈയിൽമാത്രം 14.15 ലക്ഷം പേരാണ് ഒഴിവാക്കപ്പെട്ടത്. നിലവിലുള്ള വോട്ടർപട്ടികയിൽനിന്നു മൊത്തം 97 ലക്ഷത്തോളം ആളുകൾ പുറത്താവുകയായിരുന്നു. ഇതോടെ സംസ്ഥാനത്തെ വോട്ടർമാരുടെ എണ്ണം 6,41,14, 587ൽനിന്ന് 5,43,76,755 ആയി കുറഞ്ഞു.
മരിച്ച 26,94,672 പേരെയാണ് ഒഴിവാക്കിയെന്ന് മുഖ്യ തെരഞ്ഞെടുപ്പ് ഓഫീസർ അർച്ചന പട്നായിക് അറിയിച്ചു. 66,44,881 വോട്ടർമാർ താമസം മാറിയവരാണ്. രണ്ടു സ്ഥലങ്ങളിൽ പേര് കണ്ടെത്തിയതിനെത്തുടർന്നാണ് 3,39,278 പേരെ മാറ്റിയതെന്നും അർച്ചന പട്നായിക് വിശദീകരിക്കുന്നു.
Leave A Comment