എൻ എസ് വിജയൻ, ഇ എസ് സാബു: മാള, കൊടുങ്ങല്ലൂർ കോൺഗ്രസ് ബ്ലോക്ക് പ്രസിഡന്റുമാർ
തിരുവനന്തപുരം: കോൺഗ്രസ് ബ്ലോക്ക് കമ്മിറ്റി പ്രസിഡന്റുമാരുടെ ഔദ്യോഗിക ലിസ്റ്റ് കെ പി സി സി പുറത്തുവിട്ടു. മാളയിൽ എൻ എസ് വിജയനും കൊടുങ്ങല്ലൂരിൽ ഇ എസ് സാബുവുമാണ് പുതിയ കോൺഗ്രസ് പ്രസിഡന്റുമാർ. ജില്ലയിലെ എല്ലാ ബ്ലോക്ക് കോൺഗ്രസ് കമ്മിറ്റിക്കും ഇതോടെ അധ്യക്ഷന്മാരായി. കെപിസിസി പ്രസിഡന്റ്റിനു വേണ്ടി സംഘടന ചുമതലയുള്ള ജനറൽ സെക്രട്ടറി ടി യു രാധാകൃഷ്ണനാണ് പട്ടിക ഔദ്യോഗികമായി പുറത്ത് വീട്ടിട്ടുള്ളത്. കേരളത്തിലെ ഏതാണ്ട് എല്ലാ ജില്ലകളിലെയും പട്ടികയിൽ ധാരണയായിട്ടുണ്ടെന്നാണ് വിവരം.
അതിനിടെ തൃശൂർ ഡി സിസി സെക്രട്ടറിയും വടക്കാഞ്ചേരി നഗരസഭ പ്രതിപക്ഷ നേതാവുമായ കെ അജിത് കുമാർ കോൺഗ്രസിൽ നിന്ന് രാജി വെച്ചു. കോൺഗ്രസ് ബ്ലോക്ക് പ്രസിഡന്റ് തെരഞ്ഞെടുപ്പിലുള്ള അഭിപ്രായ വ്യത്യാസങ്ങളെ തുടർന്നാണ് രാജി. പുതിയ ബ്ലോക്ക് പ്രസിഡന്റ് പട്ടികയിൽ പി ജി ജയ്ദീപിനെ ഉൾപ്പെടുത്തിയിരുന്നു. കെ സുധാകരന്റെ നോമിനി ആയായിട്ടാണ് ജയ്ദീപിന്റെ നിയമനം.
കോൺഗ്രസിൽ നിന്നും പാർട്ടി പാർട്ടി നാമ നിർദേശം ചെയ്തിട്ടുള്ള എല്ലാ കമ്മിറ്റികളിൽ നിന്നും രാജി വയ്ക്കുന്നതായി അജിത്കുമാർ അറിയിച്ചു. മുണ്ടത്തിക്കോട് പഞ്ചായത്ത്മുൻ പ്രസിഡന്‍റാണ് അജിത് കുമാർ. നേരത്തെയും നേതൃത്വവുമായുള്ള ഭിന്നതയെ തുടർന്ന് രാജി പ്രഖ്യാപിച്ച അജിത്കുമാറിനെ നേതാക്കൾ ഇടപെട്ട് അനുനയിപ്പിച്ച് രാജി പിൻവലിപ്പിക്കുകയായിരുന്നു. വടക്കാഞ്ചേരി മേഖലയിലെ കോൺഗ്രസിന്റെ പ്രധാന നേതാവ് കൂടിയാണ് അജിത്കുമാർ.
Leave A Comment