'പറയാത്ത കാര്യത്തിൽ സമൂഹ മാധ്യമങ്ങളിൽ കാർഡായി വ്യാജ പ്രചരണം'; പ്രതിപക്ഷ നേതാവ്
തിരുവനന്തപുരം: ഓണ്‍ലൈന്‍ മാധ്യമത്തിന്റെ പേരില്‍ വ്യാജ വാര്‍ത്ത പ്രചരിപ്പിച്ചതിനെതിരെ പ്രതിപക്ഷ നേതാവ് വി ഡി സതീശന്‍ സംസ്ഥാന പൊലീസ് മേധാവിക്ക് പരാതി നല്‍കി. താന്‍ പറയാത്ത കാര്യം മനോരമ ഓണ്‍ലൈനിന്റെ പേരിലുള്ള കാര്‍ഡായി സമൂഹ മാധ്യമങ്ങളില്‍ പ്രചരിപ്പിച്ചതിനെതിരെയാണ് പരാതി. വാര്‍ത്താ കാര്‍ഡ് വ്യാജമായി സൃഷ്ടിച്ചതാണെന്ന് മനോരമ ഓണ്‍ലൈനും സ്ഥിരീകരിച്ചിട്ടുണ്ടെന്ന് സതീശൻ പറഞ്ഞു. വോട്ടെടുപ്പിന്റെ തലേദിവസം വ്യാജ വാര്‍ത്താ കാര്‍ഡുണ്ടാക്കി പ്രചരിപ്പിക്കുന്നതിന് പിന്നില്‍ ഗൂഢാലോചനയും രാഷ്ട്രീയ ലക്ഷ്യങ്ങളുമുണ്ടെന്നും പരാതിയില്‍ ചൂണ്ടിക്കാട്ടി.
Leave A Comment