കെപിസിസി ഭാരവാഹി പട്ടിക പ്രസിദ്ധീകരിച്ചു; ടി യു രാധാകൃഷ്ണൻ ജനറൽ സെക്രട്ടറിയായി തുടരും
ന്യൂഡൽഹി: കെപിസിസി പുനഃസംഘടിപ്പിച്ചു. ഭാരവാഹികളുടെ ജംബോ പട്ടിക പ്രസിദ്ധീകരിച്ചു.13വൈസ് പ്രസിഡന്റുമാരും 58ജനറൽ സെക്രട്ടറിമാരും പട്ടികയിൽ. തൃശൂർ ജില്ലയിൽ നിന്ന് കെപിസിസി ഭാരവാഹികളായി എഴ് പേരാണ് ഇടം പിടിച്ചിട്ടുള്ളത്. ടി യു രാധാകൃഷ്ണൻ പുതിയ പട്ടികയിലും ജനറൽ സെക്രട്ടറി പദത്തിൽ തുടരും.ജോസ് വള്ളൂർ, ടി.യു രാധാകൃഷ്ണൻ, അനിൽ അക്കര, എം.പി വിൻസെൻ്റ്, കെ.ബി ശശികുമാർ, കെ.വി ദാസൻ, സോണിയ ഗിരി എന്നിവരാണ് ജില്ലയിൽ നിന്നുള്ള ജനറൽ സെക്രട്ടറിമാർ. രാജ്മോഹൻ ഉണ്ണിത്താൻ, വികെ ശ്രീകണ്ഠൻ, ഡീൻ കുര്യാക്കോസ്, പന്തളം സുധാകരൻ,എകെ മണി, സിപി മുഹമ്മദ് എന്നിവരെയാണ് രാഷ്ട്രീയകാര്യ സമിതിയിൽ ഉള്‍പ്പെടുത്തിയിരിക്കുന്നത്.
രമ്യ ഹരിദാസാണ് വൈസ് പ്രസിഡന്റുമാരിലെ ഏക വനിത.
ടി.ശരത്ചന്ദ്ര പ്രസാദ്, ഹൈബി ഈഡൻ, പാലോട് രവി, വി.ടി.ബൽറാം, വി.പി. സജീന്ദ്രൻ, മാത്യു കുഴൽനാടൻ, ഡി. സുഗതൻ, രമ്യ ഹരിദാസ്, എം.ലിജു, എ.എ.ഷുക്കൂർ, എം.വിൻസന്റ്, റോയ് കെ.പൗലോസ്, ജയ്സൺ ജോസഫ് എന്നിവരാണ് വൈസ് പ്രസിഡന്റുമാർ.
പാലക്കാട് ഉപതിരഞ്ഞെടുപ്പ് സമയത്ത് ബിജെപി വിട്ട് കോൺഗ്രസിൽ ചേർന്ന സന്ദീപ് വാരിയർ ജനറൽ സെക്രട്ടറിയായി പട്ടികയിൽ ഇടംപിടിച്ചു. കെപിസിസി സെക്രട്ടറിമാരെ പ്രഖ്യാപിക്കാതെയാണ് ഭാരവാഹി പട്ടിക ദേശീയ നേതൃത്വം പുറത്തിറക്കിയിരിക്കുന്നത്.
Leave A Comment