കോണ്ഗ്രസ് സ്ഥാനാര്ത്ഥി നിര്ണ്ണയ ചര്ച്ചകള്ക്ക് നാളെ ഔദ്യോഗിക തുടക്കം
തിരുവനന്തപുരം: കോണ്ഗ്രസ് സ്ഥാനാര്ത്ഥി നിര്ണ്ണയ ചര്ച്ചകള്ക്ക് നാളെ ഔദ്യോഗിക തുടക്കം. എ ഐ സി സി സ്ക്രീനിംഗ് കമ്മിറ്റി ചെയര്മാന് മധുസൂദന് മിസ്ത്രി നാളെ തിരുവനന്തപുരത്തെത്തും.ഗ്രൂപ്പ് വീതം വയ്പും, ഓരോ മണ്ഡലത്തിലെയും മൂന്ന് പേരുള്ള പട്ടികയിലുമാകും ആദ്യഘട്ട ചര്ച്ച. ഗ്രൂപ്പ് വീതം വയ്പോ, മത്സരിച്ചേ മതിയാകൂ എന്ന നേതാക്കളുടെ പിടിവാശിയോ അംഗീകരിക്കില്ലെന്ന സൂചനയാണ് സ്ക്രീനിംഗ് കമ്മിറ്റി നല്കുന്നത്.
വയനാട്ടിലെ ലക്ഷ്യ ക്യാമ്പില് നിന്ന് വലിയ ആവേശം ഉൾക്കൊണ്ടാണ് സ്ഥാനാര്ത്ഥി നിര്ണ്ണയ ചര്ച്ചകളിലേക്ക് കോണ്ഗ്രസ് കടക്കുന്നത്. കനഗോലുവിന്റേതടക്കം സര്വേ റിപ്പോര്ട്ടുകള് എ ഐ സി സിയുടെ മുന്പിലുള്ളപ്പോള് മാനദണ്ഡങ്ങള് കടുപ്പിക്കാന് തന്നെയാണ് ഹൈക്കമാൻഡിന്റെ നീക്കമെന്നാണ് വ്യക്തമാകുന്നത്.
Leave A Comment