മറ്റത്തൂരിൽ രാഷ്ട്രീയ അട്ടിമറി; 8 കോൺഗ്രസ് അംഗങ്ങൾ രാജിവെച്ചു, ടെസി ജോസ് പ്രസിഡന്റ്
കൊടകര: മറ്റത്തൂരിൽ രാഷ്ട്രീയ അട്ടിമറി .ഇവിടെ കോൺഗ്രസ് അംഗങ്ങൾ ഒന്നടങ്കം പാർട്ടിയിൽ നിന്ന് രാജിവച്ച് ബിജെപിക്കൊപ്പം ചേർന്ന് സ്വതന്ത്ര സ്ഥാനാർത്ഥിയെ ജയിപ്പിച്ചു. മറ്റത്തൂർ പഞ്ചായത്ത് പ്രസിഡൻ്റ് തെരഞ്ഞെടുപ്പിലാണ് ഈ നീക്കം.പഞ്ചായത്തിൽ പത്ത് അംഗങ്ങളുണ്ടായിരുന്ന എൽഡിഎഫ് ഭരണം പിടിക്കാതിരിക്കാനാണ് കോൺഗ്രസ് അംഗങ്ങൾ ഈ നീക്കം നടത്തിയത്. ഇതോടെ ബിജെപിക്കൊപ്പം ചേർന്ന് മറ്റത്തൂർ പഞ്ചായത്ത് ഭരണം ഇവർ പിടിച്ചു.
24 അംഗങ്ങളുള്ള പഞ്ചായത്തിൽ സ്വതന്ത്രയായി ജയിച്ച ടെസ്സി ജോസ് കല്ലറക്കൽ പ്രസിഡന്റായി തെരഞ്ഞെടുക്കപ്പെട്ടു. എട്ട് കോൺഗ്രസ് അംഗങ്ങളും നാല് ബിജെപി അംഗങ്ങളും ടെസ്സി ജോസ് കല്ലറക്കലിനെ പിന്തുണച്ചു.
24 അംഗങ്ങളിൽ ടെസി ജോസിന് 12 വോട്ട് ലഭിച്ചു . ഒരു വോട്ട് അസാധുവായി. എതിർ സ്ഥാനാർഥി കെ ആർ ഔസെഫ് നേടിയത് 11 വോട്ടുകൾ .
Leave A Comment