മലദ്വാരത്തിലൂടെ എയർ പമ്പ് ചെയ്തു; യുവാവ് മരിച്ചു, സുഹൃത്ത് അറസ്റ്റിൽ
പെരുമ്പാവൂർ: എയർ കംപ്രസർ ഉപയോഗിച്ച് സുഹൃത്ത് മലദ്വാരത്തിലൂടെ എയർ പമ്പ് ചെയ്തതിനെ തുടർന്ന് യുവാവ് കുഴഞ്ഞ് വീണ് മരിച്ചു. പെരുമ്പാവൂർ എംസി റോഡിൽ മലമുറിയിൽ പ്രവർത്തിക്കുന്ന കമ്പനിയിലാണ് സംഭവം.
ആസാം സ്വദേശി മിന്‍റു ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് ഇയാളുടെ സുഹൃത്തായ ആസാം സ്വദേശി സിദ്ധാർഥിനെ കുറുപ്പംപടി പോലീസ് അറസ്റ്റ് ചെയ്തു. കൊലക്കുറ്റത്തിനാണ് ഇയാൾക്കെതിരേ പോലീസ് കേസ് രജിസ്റ്റർ ചെയ്തിരിക്കുന്നത്. പ്രതി എയർ പന്പ് ചെയ്യുന്നതിന്‍റെ വീഡിയോ ദൃശ്യവും പോലീസിന് ലഭിച്ചിട്ടുണ്ട്.
യുവാവിന്‍റെ അസ്വാഭാവിക മരണത്തെ തുടർന്ന് ആശുപത്രിയിൽ നടത്തിയ പരിശോധന‌യ്ക്ക് പിന്നാലെ അറസ്റ്റിലായ യുവാവിനെ പോലീസ് ചോദ്യം ചെയ്തിരുന്നു. ഇതോടെയാണ് സംഭവത്തിന്‍റെ ചുരുളഴിഞ്ഞത്. പോസ്റ്റ്മോർട്ടത്തിന് ശേഷമേ കൂടുതൽ കാര്യങ്ങൾ വ്യക്തമാകൂ എന്ന് പോലീസ് അറിയിച്ചു.
Leave A Comment