ബസിൽ മോഷണം നടത്തിയ തമിഴ് യുവതികൾ പിടിയിൽ
കൊടകര: ബസിൽ മോഷണം നടത്തിയ രണ്ട് തമിഴ് യുവതികളെ കൊടകര പൊലീസ് പിടികൂടി. തമിഴ്നാട് തൂത്തുക്കൂടി തിരുച്ചെന്ദൂർ കൊവിൽപാളയം മുരുകന്റെ മകൾ ഗായത്രി (27), മണികണ്ഠന്റെ മകൾ അഞ്ജു (19) എന്നിവരാണ് വ്യാഴാഴ്ച കൊടകര പോലീസിന്റെ പിടിയിലായത്. എസ് ഐ പി കെ ദാസിന്റെ നേതൃത്വത്തിലുള്ള പൊലീസ് സംഘം കൊടകരയിൽ തൃശൂർ ബസ് സ്റ്റോപ്പിൽ നിന്നുമാണ് വ്യാഴാഴ്ച ഇവരെ പിടികൂടിയത്.മറ്റത്തൂർ സ്വദേശി റൂബിയുടെ 21500/- രൂപ അടങ്ങിയ പേഴ്സ് രണ്ട് ദിവസം മുന്പ് ബസ് യാത്രക്കിടയിൽ മോഷണം പോയ പരാതിയിൽ നടത്തിയ അനേഷണത്തിലാണ് ഇവർ പിടിയിലായത്.
ബസിൽ തിരക്കുണ്ടാക്കി മോഷണം നടത്തുന്നതാണ് ഇവരുടെ രീതി എന്ന് പോലീസ് പറഞ്ഞു.
കുന്നംകുളം, തൃശൂർ ഈസ്റ്റ്‌, പേരാമംഗലം, കൊടുവള്ളി, കോട്ടയം ഈസ്റ്റ്‌, തിരുവല്ല, നോർത്തുപറവൂർ എന്നിവിടങ്ങളിൽ ഇവർക്കെതിരെ മോഷണ കേസുകൾ ഉള്ളതായും പൊലീസ് പറഞ്ഞു. പ്രതികളെ കോടതിയിൽ ഹാജരാക്കി.
Leave A Comment