പൂജകളെച്ചൊല്ലി തർക്കം : ജ്യേഷ്ഠന് കുത്തേറ്റു; അനുജൻ അറസ്റ്റിൽ
തൃപ്പൂണിത്തുറ: കുടുംബവീട്ടിൽ നടത്തുന്ന പൂജകളെച്ചൊല്ലിയുണ്ടായ തർക്കത്തിനൊടുവിൽ ജ്യേഷ്ഠനെ കത്തി കൊണ്ട് കുത്തി പരിക്കേൽപ്പിച്ച യുവാവിനെ പോലീസ് അറസ്റ്റ് ചെയ്തു. എരൂർ നോർത്ത് വൈമീതി വെളിയിൽ വീട്ടിൽ ആദർശ് ഷിജുവിനാണ് (28) കുത്തേറ്റത്. സംഭവത്തിൽ ആദർശിന്റെ സഹോദരൻ അനന്തു ഷിജുവിനെയാണ് ഹിൽപാലസ് പോലീസ് അറസ്റ്റ് ചെയ്തത്. കഴിഞ്ഞ ബുധനാഴ്ച രാത്രി ഏഴോടെയായിരുന്നു സംഭവം. വീട്ടിൽ പൂജകൾ ചെയ്യുന്നത് ആദർശ് ചോദ്യം ചെയ്തതാണ് അനുജനെ പ്രകോപിപ്പിച്ചത്. തർക്കത്തിനിടെ അനന്തു, ആദർശിനെ പിന്നിലേക്ക് തള്ളിയിടുകയും തുടർന്ന് കത്തിയെടുത്ത് ആദർശിന്റെ വലതു കൈത്തണ്ടയിൽ കുത്തുകയായിരുന്നുവെന്നും പോലീസ് പറഞ്ഞു.
Leave A Comment