നെടുമ്പാശേരി വിമാനത്താവളത്തിൽ സ്വർണ പാദുകം പിടികൂടി
കൊച്ചി: നെടുമ്പാശേരി അന്താരാഷ്ട്ര വിമാനത്താവളത്തിൽ യാത്രക്കാരനിൽനിന്ന് സ്വർണ പാദുകം പിടികൂടി. 78 ലക്ഷം രൂപ വില വരുന്ന 1762 ഗ്രാം സ്വർണം പേസ്റ്റ് രൂപത്തിലാക്കി ഇരു കാല്പാദങ്ങളോട് ഒട്ടിച്ചു ചേർത്താണ് പാദുകം തീർത്തത്. സംഭവത്തിൽ മലപ്പുറം സ്വദേശി മുഹമ്മദ് ദിൽഷാദിനെ എയർ കസ്റ്റംസ് വിഭാഗം അറസ്റ്റ് ചെയ്തു.
ഷാർജയിൽനിന്നും എത്തിയ ഇയാൾ ഇരു കാല്പാദങ്ങളുടേയും താഴെയാണ് അതിവിദഗ്ധമായി സ്വർണം ചേർത്തുവച്ചത്. തുടർന്ന് ടേപ്പ് വച്ച് സ്വർണം തിരിച്ചറിയാത്ത വിധം ഭദ്രമായി പൊതിഞ്ഞ് സോക്സും ഷൂസും ധരിക്കുകയായിരുന്നു. ഇയാളുടെ നടത്തത്തിൽ സംശയം തോന്നിയ ഉദ്യോഗസ്ഥർ ഷൂസ് അഴിപ്പിച്ച് പരിശോധിക്കുകയായിരുന്നു.
Leave A Comment