ശക്തമായ മഴയിൽ തൃശൂര്‍ നഗരത്തിന്റെ താഴ്ന്ന പ്രദേശങ്ങൾ വെള്ളത്തിൽ മുങ്ങി
തൃശൂര്‍: തൃശൂരിലുണ്ടായ ശക്തമായ മഴയിൽ നഗരത്തിന്റെ താഴ്ന്ന പ്രദേശങ്ങൾ വെള്ളത്തിൽ മുങ്ങി. ഇക്കണ്ടവാര്യർ റോഡ്, അക്വാട്ടിക്ലൈൻ എന്നിവിടങ്ങളിലാണ് വെള്ളക്കെട്ടുണ്ടായത്. നഗരത്തിലെ പലയിടങ്ങളിലും വെള്ളക്കെട്ട് രൂപപ്പെട്ടു.വടക്കേ സ്റ്റാൻഡിന് സമീപത്ത് റോഡുകളിലും സ്വരാജ് റൗണ്ടിലും കൊക്കാലയിലും പൂങ്കുന്നത്തും രൂപപ്പെട്ട വെള്ളക്കെട്ട് ജനജീവിതത്തെ ദുസ്സഹമാക്കി.
തൃശൂർ അശ്വിനി ആശുപത്രിയിലും നേരിയ തോതിൽ വെള്ളം കയറി.തൃശൂർ വടക്കേ ചിറക്ക് സമീപമുള്ള സിറ്റി പോസ്റ്റ് ഓഫീസിലും വെള്ളം കയറി. ഒരാഴ്ചക്കിടെ ഇത് രണ്ടാം തവണയാണ് പോസ്റ്റ് ഓഫീസിൽ വെള്ളം കയറുന്നത്. ഇതോടെ ഓഫീസ് പ്രവർത്തനങ്ങൾ താളം തെറ്റി.തൃശൂർ കുന്നംകുളം റോഡിൽ വൻ ഗതാഗത തടസം രൂപപ്പെട്ടു.
ശങ്കരയ്യർ റോഡിലും പൂത്തോളിലും കൊക്കാലയിലും സ്ഥിതി വ്യത്യസ്തമല്ല.ഇന്ന് രാവിലെ 8 മണിയോടെ ആരംഭിച്ച കനത്ത മഴക്കും ഇടി മിന്നലിനും രണ്ടു മണിക്കൂർ ശേഷം അൽപ്പം ശമനം ഉണ്ടായെങ്കിലും തുടരുകയാണ്
തൃശൂർ ജില്ലയിലെ കൺട്രോൾ റൂം നമ്പറുകൾ
തൃശൂർ താലൂക്ക്- 0487 2331443
തലപ്പിള്ളി താലൂക്ക്- 04884 232226
മുകുന്ദപുരം താലൂക്ക് - 0480 2825259
ചാവക്കാട് താലൂക്ക്- 0487 2507350
കൊടുങ്ങലൂർ താലൂക്ക്- 0480 2802336
ചാലക്കുടി താലൂക്ക്- 0480 2705800
കുന്നംകുളം താലൂക്ക്- 04885 225200, 225700
പോലീസ് കൺട്രോൾ റൂം (തൃശൂർ)- 0487 2424111
പോലീസ് കൺട്രോൾ റൂം (കൊടുങ്ങല്ലൂർ)- 0480 2800622
കെഎസ്ഇബി- 9496010101
ഫിഷറീസ് കൺട്രോൾ റൂം- 0480 2996090
ജില്ലാ കൺട്രോൾ റൂം നമ്പർ- 0487 2362424, 9447074424.
Leave A Comment