അപകീര്‍ത്തി പ്രസംഗം ; പി കെ ബിജുവിന് അനില്‍ അക്കരയുടെ വക്കീല്‍ നോട്ടീസ്
തൃശൂർ: സി പി എം സംസ്ഥാന സെക്രട്ടറിയേറ്റ് അംഗവും മുന്‍ എം പിയുമായ പി കെ ബിജുവിന് കോണ്‍ഗ്രസ് നേതാവ് അനില്‍ അക്കരയുടെ വക്കീല്‍ നോട്ടീസ്.
തൃശൂരില എല്‍ ഡി എഫ് സഹകാരി യോഗത്തില്‍ അപകീര്‍ത്തി പ്രസംഗം നടത്തിയെന്നാരോപിച്ചാണ് ബിജുവിന് അനില്‍ അക്കര നോട്ടീസയച്ചത്. പ്രസംഗത്തിന്റെ പേരില്‍ പി കെ ബിജു പരസ്യമായി മാപ്പുപറയുകയും ഒരു ലക്ഷം രൂപാ നഷ്ടപരിഹാരം നല്‍കണമെന്നുമാണ് നോട്ടീസില്‍ ആവശ്യപ്പെട്ടിരിക്കുന്നത്. അടാട്ട് ബാങ്കിനെ വിഴുങ്ങിയെന്നും, അനില്‍ അക്കര ലൈഫ് മിഷനില്‍ വീട് മുടക്കി എന്നുമായിരുന്നു തൃശൂരില എല്‍ ഡി എഫ് സഹകാരി യോഗത്തിലെ പി കെ ബിജുവിന്റെ പരാമര്‍ശം.
ബിജുവിന്റെ പ്രസംഗം മീഡിയ ടൈം കഴിഞ്ഞ ദിവസം ടെലികാസ്റ് ചെയ്തിരുന്നു. അനിൽ അക്കരയെ കാവൽ നായയോട് ഉപമിച്ചായിരുന്നു പി കെ ബിജുവിന്റെ പ്രസംഗം. വാർത്ത ശ്രദ്ധയിൽ പെട്ടതിനെ തുടർന്നാണ് അനിൽ അക്കര നിയമനടപടിക്ക് ഒരുങ്ങിയിരിക്കുന്നത്.
Leave A Comment