കോട്ടയത്തിൻറെ കിഴക്കൻ മേഖലയിൽ കനത്ത മഴ; മൂന്നിടങ്ങളിൽ ഉരുൾപൊട്ടൽ
കോട്ടയം: ജില്ലയിലെ കിഴക്കന് മലയോര മേഖലകളില് കനത്ത മഴ. തീക്കോയി പഞ്ചായത്തിലെ ഇഞ്ചിപ്പാറ, തലനാട് പഞ്ചായത്തിലെ ആനിപ്ലാവ്, വെള്ളാനി എന്നിവിടങ്ങളില് ഉരുള്പൊട്ടി. ആളപായമില്ലെന്നാണ് വിവരം. തലനാട് അട്ടിക്കളം ഭാഗത്തും തീക്കോയി വെള്ളികുളം ഭാഗത്തും വ്യാപക മണ്ണിടിച്ചിലുണ്ടായി. തീക്കോയി വാഗമണ് റോഡും മംഗളഗിരി ഒറ്റയീട്ടി റോഡിലും വെള്ളാനി ആനിപ്ലാവ് റോഡിലും മണ്ണിടിഞ്ഞ് ഗതാഗതം തടസപ്പെട്ടു.ഈരാറ്റുപേട്ട വാഗമണ് റൂട്ടില് വാഹന ഗതാഗതം നിരോധിച്ചതായി ജില്ലാ കളക്ടര് വി. വിഗ്നേശ്വരി അറിയിച്ചു. മഴ തുടരുന്ന സാഹചര്യത്തില് മലയോര മേഖലയിലേക്കുള്ള യാത്രകള് ഒഴിവാക്കണമെന്നും കളക്ടര് അറിയിച്ചു. തീക്കോയി വാഗമണ് റോഡില് ഇഞ്ചപ്പാറയില് ഗതാഗതം പൂര്ണമായും തടസപ്പെട്ടു. തീക്കോയി ആറ്റില് ജലനിരപ്പ് ഉയര്ന്നു.
ചാത്തപ്പുഴ ഭാഗത്ത് വീടുകളില് വെള്ളം കയറി. തീക്കോയി ആറ്റില് വെള്ളം ഉയര്ന്ന് പാലം വെള്ളത്തിലായി. അഗ്നിരക്ഷാ സേനയും പോലീസും സന്നദ്ധ പ്രവര്ത്തകരും നാട്ടുകാരും സ്ഥലത്ത് ക്യമ്പ് ചെയ്യുന്നു. കളക്ടര് വി. വിഗ്നേശ്വരി, മീനച്ചില് തഹല്സിദാര് കെ.എം. ജോസുകുട്ടി, തീക്കോയി വില്ലേജ് ഓഫീസര് ജെസി ചാണ്ടി എന്നിവര് സ്ഥലം സന്ദര്ശിച്ചു.
Leave A Comment