രണ്ട് വയസുകാരൻ നേടിയത് ഇൻ്റർ നാഷ്ണൽ ബുക്ക് ഓഫ് റെക്കോർഡും, ഇന്ത്യൻ ബുക്ക് ഓഫ് റെക്കോർഡും
കൊടുങ്ങല്ലൂർ: പ്രായം രണ്ട് വയസും അഞ്ച് മാസവും, ആഷ്ലി വിൻ പിടിച്ചു കയറിയത് ഇൻ്റർ നാഷ്ണൽ ബുക്ക് ഓഫ് റെക്കോർഡ്സിലും, ഇന്ത്യൻ ബുക്ക് ഓഫ് റെക്കോർഡ്സിലും.
ന്യൂഡൽഹിയിൽ താമസക്കാരായ കൊടുങ്ങല്ലൂരിലെ ശ്രീനാരായണപുരം പത്താഴക്കാട് സ്വദേശി ചാണാടിക്കൽ വിനീതിന്റെയും, ആതിര ഉണ്ണിയുടെയും മകൻ ആഷ്ലി വിൻ ഒരു വയസും ഒമ്പത് മാസവും പ്രായമുള്ളപ്പോഴാണ് ഇന്ത്യ ബുക്ക് ഓഫ് റെക്കോർഡ്സിൽ ഇടം പിടിച്ചത്.
9 പ്രശസ്‌ത വ്യക്‌തികളുടെ പേരും അവരുടെ പദവിയും ക്യത്യമായി പറഞ്ഞ ഈ മിടുക്കൻ 10 വളർത്തു മൃഗങ്ങൾ, 12 ശരീരാവയവങ്ങൾ. 5 ഭക്ഷണ വസ്‌തുക്കൾ, 10 വാ ഹനങ്ങൾ, 10 പക്ഷികൾ, 9 വന്യ മൃഗങ്ങൾ, 8 പഴങ്ങൾ, എന്നിവയ്ക്കു പുറമേ 6 പൊതു വിജ്ഞാന ചോദ്യങ്ങൾക്കും ഉത്തരം നൽകിയാണ് ആദ്യ റെക്കോർഡ് കരസ്ഥമാക്കിയത്.
മുപ്പത്തിയഞ്ച് രാജ്യങ്ങളുടെ ദേശീയ പതാക പരിചയപ്പെടുത്തൽ, ലോഗോ കണ്ട് പതിനഞ്ച് കാറുകളുടെ പേര് പറയൽ, പ്രമുഖ വ്യക്തികളെ പരിചയപ്പെടുത്തൽ, പൊതു വിജ്ഞാന ചോദ്യങ്ങൾക്ക് ഉത്തരം പറയൽ എന്നിവയിലൂടെയാണ് ആഷ്ലി വിൻ ഇൻ്റർനാഷ്ണൽ ബുക്ക് ഓഫ് റെക്കോർഡ്സിൽ ഇടം നേടിയത്.
ഒരിക്കൽ യാത്രക്കിടയിൽ പ്രധാനമന്ത്രി നരേന്ദ്ര മോദിയുടെ ചിത്രം കണ്ട് മനസ്സിലാക്കി പേര് വിളിച്ചു പറഞ്ഞതു മുതലാണ് വീട്ടുകാർ കുട്ടിയുടെ കഴിവ് ശ്രദ്ധിച്ചു തുടങ്ങിയത്.
അലയൻസ് പാർട്ണേഴ്സിൽ അസി. കോ ഓർഡിനേറ്ററായ വിനീതും,
ലൂമെൻ ടെക്നോളജിയിൽ സീനിയർ അനലിസ്‌റ്റ് ആയ ആതിരയും ആഷ്ലി വിനിന് അറിവിൻ്റെ പുതിയ ലോകം പരിചയപ്പെടുത്തുകയാണ്.
Leave A Comment