വെള്ളാങ്ങല്ലൂർ: സംസ്ഥാന സർക്കാരിൻറെ 2024_25 വർഷത്തെ പട്ടിക ജാതി വിഭാഗത്തിൽപ്പെട്ട യുവ കർഷകനുള്ള കർഷക ജ്യോതി പുരസ്ക്കാരം വെള്ളാങ്ങല്ലൂർ നടുവത്ര വീട്ടിൽ മിഥുന് 42ലഭിച്ചു.  കാറ്ററിംഗ് തൊഴിലാളിയായിരുന്ന മിഥുന് ഭക്ഷണത്തോടുള്ള പ്രിയമാണ് കൃഷിയിലെത്തിച്ചത്.  സ്വന്തമായി കൃഷി ഭൂമിയില്ലാത്ത മിഥുൻ 20.5 ഏക്കർ സ്ഥലം പാട്ടത്തിനെടുത്താണ് കൃഷി ചെയ്യുന്നത്. മിഥുനോടൊപ്പം അമ്മയും സഹായത്തിനുണ്ട്. മുണ്ടകൻ നെൽകൃഷി, തണ്ണീർ മത്തൻ, പൊട്ടുവെള്ളരി, നേന്ത്രവാഴ, പച്ചക്കറി കൃഷി, കിഴങ്ങു വർഗ്ഗങ്ങൾ, ചെറു മൽസ്യ കൃഷി, പൂ കൃഷി, പശു, ആട് വളർത്തൽ,   തേനിച്ച, നാടൻ എന്നിവയാണ് മിഥുൻറെ കൃഷി.   വെള്ളാങ്ങല്ലൂർ കൃഷി ഭവൻറെ കീഴിൽ കണ്ണോളിച്ചിറ പാടശേഖരത്തിൽ പാട്ടത്തിനെടുത്ത നാല് ഏക്കർ സ്ഥലത്ത് മുണ്ടകൻ നെൽകൃഷിയും വിരിപ്പ് നെൽകൃഷിയും നടത്തുന്നു.

 മുണ്ടകൻ നെൽകൃഷിയിൽ 4800കി.ഗ്രാം നെല്ല് വിളവെടുത്തു. ഇത് സപൈളൊക്ക് നൽകി.  മുണ്ടകൻ കൃഷി വിളവെടുപ്പിനു ശേഷം പാട ശേഖരത്തിലെ 8.5 ഏക്കർ സ്ഥലത്ത് തണ്ണീർ മത്തൻ, പൊട്ടുവെള്ളരി എന്നിവ ജൈവ കൃഷി രീതിയിൽ കൃഷി ചെയ്തു.  ആലപ്പുഴയിൽ നടന്ന ജൈവ കൃഷി മേളയിൽ മിഥുൻറെ പൊട്ടു വെള്ളരി വിത്തിന് വിപണിയിൽ വിറ്റു. 6800കി.ഗ്രാം പൊട്ടവെള്ളരി വിത്ത് വിറ്റു പോയി. മൂന്ന് തവണ നേന്ത്ര വാഴ കൃഷി നടത്തി. ജൈവ രീതിയിലായിരുന്നു കൃഷി. ഡ്രോൺ ഉപയോഗിച്ച് മരുന്ന് തളിച്ചു. നെൽ കൃഷിക്കു ശേഷം പാടത്ത് പച്ചക്കറി കൃഷി നടത്തി. വെണ്ട, ചീര, പയർ,വഴുതനങ്ങ, തക്കാളി എന്നിവയായിരുന്നു പച്ചക്കറി കൃഷി. ഹൈടെക്ക് രീതിയിലായിരുന്നു കൃഷി. വെണ്ടക്ക കൃഷി സ്ഥലത്തു വച്ച് തന്നെ വിൽപ്പന നടത്തി. മരച്ചീനി, ചേന, ചേമ്പ്, എന്നീ കിഴങ്ങ് വർഗ്ഗങ്ങൾ രണ്ട് ഏക്കർ സ്ഥലത്ത് കൃഷി ചെയ്തു. നല്ല വിളവ് കിട്ടി.  പാട ശേഖരത്തിലെ രണ്ട് ഏക്കർ സ്ഥലത്ത്  ചെറിയ മൽസ്യ കൃഷി നടത്തുന്നു. വീട്ടിൽ ആട്, പശു, കോഴി, തേനീച്ച എന്നിവയെ വളർത്തുന്നു.