ആലുവയില് കൂട്ടത്തോടെ തിരിച്ചെത്തി ഇതര സംസ്ഥാന തൊഴിലാളികള്
കൊച്ചി: ഈദ് ആഘോഷത്തില് പങ്കെടുക്കാനും തെരഞ്ഞെടുപ്പില് വോട്ട് ചെയ്യാനുമായി പോയ അന്യസംസ്ഥാന തൊഴിലാളികള് കേരളത്തിലേക്ക് തിരിച്ചെത്തി. നിര്മാണ തൊഴിലാളികളും ഹോട്ടല് ജീവനക്കാരും അടങ്ങുന്ന ഇവര് മാസങ്ങളോളം നാട്ടില് നിന്ന ശേഷമാണ് ജോലിക്കായി തിരികെ എറണാകുളത്തേക്ക് എത്തിയത്. പശ്ചിമ ബംഗാള്, ആസാം ഉള്പ്പെടെ സംസ്ഥാനങ്ങളില് നിന്നുള്ള നിന്നുള്ളവരാണ് ഭൂരിഭാഗവും. ഇന്നലെ അന്ത്യോദയ എക്സ്പ്രസില് ആലുവ റെയില്വേ സ്റ്റേഷനില് എത്തിയ ആയിരക്കണക്കിന് തൊഴിലാളികള് വിവിധ ബസ് സ്റ്റാന്ഡുകളിലേക്ക് നടന്നു നീങ്ങിയത് ആലുവ നഗരത്തെ സ്തംഭിപ്പിച്ചു.
റെയില്വേ സ്റ്റേഷന് ഗേറ്റും സമീപ റോഡുകളും നിമിഷങ്ങള്ക്കുള്ളില് തൊഴിലാളികളെ കൊണ്ട് നിറഞ്ഞു. ഓട്ടോയ്ക്കും ബസിനും വേണ്ടിയുള്ള തിരക്ക് രൂക്ഷമായതോടെ കെഎസ്ആര്ടിസി ബസ്റ്റാന്ഡ്, റെയില്വേ സ്റ്റേഷന് റോഡ് എന്നിവിടങ്ങളില് തിരക്ക് അനുഭവപ്പെട്ടു. പെട്ടെന്നുണ്ടായ ജനത്തിരക്ക് റെയില്വേ പോലീസും ആലുവ ട്രാഫിക് പോലീസും ചേര്ന്നാണ് നിയന്ത്രിച്ചത്.
Leave A Comment