എംസി റോഡിൽ അപകടക്കുഴികൾ; യാത്ര ദുരിതപൂർണം
അങ്കമാലി: കാലവർഷം ശക്തിപ്പെട്ടതോടെ എംസി റോഡിൽ അങ്കമാലി ലിറ്റിൽ ഫ്ലവർ ആശുപത്രിക്കു സമീപം രൂപംകൊണ്ടിട്ടുള്ള അപകടകുഴികൾ ഇതിലൂടെയുള്ള യാത്ര ദുരിതമയമാക്കുന്നു. ദിനംതോറും കുഴികളുടെ എണ്ണവും ആഴവും വർധിക്കുകയാണ്. മഴ പെയ്ത് കുഴികളിൽ വെള്ളം കെട്ടിക്കിടക്കുന്നതിനാൽ ഇത് ശ്രദ്ധയിൽപ്പെടാതെ ദിനംപ്രതി നിരവധി ഇരുചക്ര വാഹനങ്ങളാണ് അപകടത്തിൽപ്പെടുന്നത്. തുടർച്ചയായി കുഴികളിൽ അകപ്പെട്ട് വാഹനങ്ങൾ വെട്ടിച്ച് മാറ്റുമ്പോൾ എതിരെ വരുന്ന വാഹനങ്ങളിൽ തട്ടിയുള്ള അപകടങ്ങളും പതിവാണ്.
അടിയന്തരമായി കുഴികൾ അടച്ച് അപകടാവസ്ഥയ്ക്ക് പരിഹാരം കണ്ടെത്തണമെന്ന് നഗരസഭാ പ്രതിപക്ഷനേതാവ് ടി.വൈ. ഏല്യാസ് ആവശ്യപെട്ടു. ഇതു സംബന്ധിച്ച് പൊതുമരാമത്ത് മന്ത്രിക്കും ഉദ്യോഗസ്ഥർക്കും പരാതിയും നൽകി.
Leave A Comment