ഗുരുവായൂർ ഏകാദശി : ഇന്ന് കോടതി വിളക്ക് ആഘോഷം
ഗുരുവായൂർ: ക്ഷേത്രത്തിൽ ഏകാദശിയുടെ ഭാഗമായി വിളക്കാഘോഷങ്ങളിൽ ഇന്ന് ചാവക്കാട് മുൻസിഫ് കോടതി വക വിളഘോഷമാണ്. നാളെ ഗുരുവായൂർ മർച്ചന്റ്സ് വക വിളക്കാഘോഷമാണ്.
കോടതി വിളക്കിന്റെ ഭാഗമായി ക്ഷേത്രത്തിൽ ഇന്നു രാവിലേയും ഉച്ചതിരിഞ്ഞും കാഴ്ചശീവേലിക്ക് പെരുവനം കുട്ടൻ മാരാരുടെ നേതൃത്വത്തിൽ മേളമുണ്ടാകും. സന്ധ്യക്ക് കക്കാട് രാജപ്പൻ, ശശിമാരാർ എന്നിവരുടെ തായന്പകയും രാത്രി വിളക്കെഴുന്നെള്ളിപ്പിന് ഇടയ്ക്ക പ്രദക്ഷിണവും ഉണ്ടാകും. നാളെ ഗുരുവായൂർ മർച്ചന്റ്സ് അസോസിയേഷന്റെ വിളക്കാഘോഷമാണ്. രാവിലെ കാഴ്ചശീവേലിക്കു പെരുവനം സതീശൻ മാരാരുടെ മേളം അകന്പടിയാകും. ഉച്ചതിരിഞ്ഞും രാത്രി വിളക്കെഴുന്നെള്ളിപ്പിനും ചോറ്റാനിക്കര സുബാഷ് മാരാർ പഞ്ചവാദ്യം നയിക്കും. സന്ധ്യക്കു കാർത്തിക് മാരാരുടെ തായന്പകയും അരങ്ങേറും.
മേൽപ്പത്തൂർ ഓഡിറ്റോറിയത്തിൽ രാവിലെ 7.45 മുതൽ കലാപരിപാടികൾ ആരംഭിക്കും. രാവിലെ 10 മുതൽ 12 വരെ പോരൂർ ഉണ്ണികൃഷ്ണൻ, കൽപ്പാത്തി ബാലകൃഷ്ണൻ എന്നിവരുടെ ഡബിൾ തായന്പകയാണ്. തുടർന്ന് വ്യാപാരി കുടുംബാംഗങ്ങളുടെ വിവിധ കലാപരിപാടികൾ അരങ്ങേറും. വൈകീട്ട് അഞ്ച് മുതൽ ജി.വി. രാമനാഥൻ നയിക്കുന്ന സന്പ്രദായ ഭജന, ഏഴു മുതൽ പിന്നണി ഗായകൻ മധുബാലകൃഷ്ണനും സംഘവും അവതരിപ്പിക്കുന്ന ഭക്തി ഗാനമേളയുമാണ്. ഇന്നലെ ക്ഷേത്രം തന്ത്രി ചേന്നാസ് ദിനേശൻ നന്പൂതിരിപ്പാടിന്റെ വകയായുള്ള വിളക്കാഘോഷമായിരുന്നു. സന്പൂർണ്ണ നെയ് വിളക്കായാണ് ആഘോഷം നടന്നത്.
Leave A Comment