മലയാറ്റൂർ തീർത്ഥാടനത്തിന് തിരക്കേറി
മലയാറ്റൂർ : ഓശാന ഞായറാഴ്ചയിലെ തിരുക്കർമങ്ങളിൽ പങ്കെടുക്കാനും മലകയറാനുമായി മലയാറ്റൂരിൽ വലിയ തിരക്കനുഭവപ്പെട്ടു. രാവിലെ നടന്ന കുരുത്തോല വെഞ്ചരിപ്പിന് മോൺ. വർഗീസ് ഞാളിയത്ത് മുഖ്യകാർമികനായി. ഫാ. വർഗീസ് മണവാളൻ, ഫാ. മാത്യു പെരുമായൻ, ഫാ. മാർട്ടിൻ കച്ചിറയ്ക്കൽ, ഫാ. ടോബിൻ ഇലഞ്ഞിക്കൽ എന്നിവർ സഹകാർമികരായി.
രാവിലെ പറവൂർ, മൂഴിക്കുളം, പള്ളിപ്പുറം ഫൊറോനകളിലെ ഇടവക ജനങ്ങൾ മലകയറി. സി.എൽ.സി., കെ.സി.വൈ.എം., വിൻസെന്റ് ഡി പോൾ സംഘടനകളുടെ അതിരൂപതാതല മലകയറ്റവും രാവിലെ ഉണ്ടായിരുന്നു. വിവിധ ഭാഗങ്ങളിൽ നിന്നെത്തിയ വിശ്വാസികളും കൂടിയായപ്പോൾ രാവിലെതന്നെ അടിവാരത്ത് തിരക്കായി.
കുടുംബ യൂണിറ്റുകളുടെ അതിരൂപത ഡയറക്ടർ ഫാ. ഡെന്നി കാട്ടയിൽ, സി.എൽ.സി. ഡയറക്ടർ ഫാ. ചാലിശേരി, കെ.സി.വൈ.എം. അതിരൂപത ഡയറക്ടർ ഫാ. പോൾ ഭരണികുളങ്ങര, വിൻസന്റ് ഡി പോൾ സംഘടന അതിരൂപത പ്രസിഡന്റ് ബ്രദർ ബെൻഡ്‌ലി, മലയാറ്റൂർ പള്ളി വികാരി ഫാ. വർഗീസ് മണവാളൻ എന്നിവർ ചേർന്ന് തീർത്ഥാടനത്തിന് നേതൃത്വം നൽകി.
Leave A Comment