സ്ഥലംമാറ്റം; അർജുൻ പാണ്ഡ്യൻ കാസർഗോഡ് കളക്ടർ, ശിഖ സുരേന്ദ്രൻ തൃശൂരിലേക്ക്
തിരുവനന്തപുരം: സംസ്ഥാനത്തെ സിവിൽ സർവീസ് തലപ്പത്ത് വൻ മാറ്റങ്ങൾ വരുത്തിക്കൊണ്ട് സർക്കാർ ഉത്തരവിറക്കി. പ്രധാനപ്പെട്ട പല ജില്ലകളിലും പുതിയ കളക്ടർമാരെ നിയമിച്ചുകൊണ്ടുള്ള അഴിച്ചുപണിയാണ് നടന്നിരിക്കുന്നത്.
തൃശൂർ ജില്ലാ കളക്ടറായ അർജുൻ പാണ്ഡ്യനെ കാസർഗോഡ് ജില്ലാ കളക്ടറായി സ്ഥലം മാറ്റി. നിലവിലെ കളക്ടർ കെ. ഇൻബശേഖറിനെ മാറ്റിയ ഒഴിവിലേക്കാണ് നിയമനം.
നിലവിൽ ടൂറിസം ഡയറക്ടറായി ചുമതല നിർവഹിക്കുന്ന ശിഖ സുരേന്ദ്രനെയാണ് തൃശൂർ ജില്ലാ കളക്ടർ സ്ഥാനത്തേയ്ക്ക് നിയമിച്ചത്. ഭരണപരമായ സൗകര്യാർഥം കൃത്യമായ ഇടവേളകളിൽ നടത്തുന്ന പുനഃക്രമീകരണത്തിന്റെ ഭാഗമായാണ് ഈ നടപടി.
റവന്യൂ, പൊതുഭരണ വകുപ്പുകളിലെ പ്രവർത്തനങ്ങൾ കൂടുതൽ ഊർജിതമാക്കാൻ പുതിയ നിയമനങ്ങൾ സഹായിക്കുമെന്നാണ് സർക്കാർ വിലയിരുത്തുന്നത്.
Leave A Comment