വിദ്യാര്‍ഥികളുടെ അഡ്മിഷന്‍ സമയത്ത് തന്നെ പരീക്ഷാഫീസടക്കം വന്‍ തുകയാണ് സി.ബി.എസ്.ഇ. സ്‌കൂളുകളില്‍ വാങ്ങുന്നത്. എന്നിട്ടും മൂല്യനിര്‍ണയത്തിന്റെ പ്രതിഫലം ലഭിക്കാത്തതിനെതിരേ വ്യാപക പ്രതിഷേധമാണ് അധ്യാപകരുടെ ഭാഗത്തുനിന്നുയരുന്നത്. പരീക്ഷാ പേപ്പറിന്റെ മൂല്യനിര്‍ണയം കഴിഞ്ഞാല്‍ ഉടന്‍ തന്നെ അതിന്റെ തുക കൈയില്‍ നേരിട്ട് ലഭിക്കുകയായിരുന്നു പതിവ്.

 എന്നാല്‍ കഴിഞ്ഞ കുറച്ച് വര്‍ഷങ്ങളായി ബാങ്ക് വഴിയാണ് പണം ലഭിച്ചിരുന്നത്. ആദ്യമൊക്കെ ബാങ്ക് വഴിയും ഉടന്‍ തന്നെ അതിന്റെ തുക കൈയില്‍ നേരിട്ട് ലഭിക്കുകയായിരുന്നു പതിവ്. എന്നാല്‍ കഴിഞ്ഞ കുറച്ച് വര്‍ഷങ്ങളായി ബാങ്ക് വഴിയാണ് പണം ലഭിച്ചിരുന്നത്. ആദ്യമൊക്കെ ബാങ്ക് വഴിയും ഉടന്‍ തന്നെ ലഭിച്ചിരുന്നു. തൊട്ടടുത്ത വര്‍ഷം അത് പരീക്ഷാഫലം വരുന്നതിന് തൊട്ടുമുമ്പായാണ് ലഭിച്ചത്. എന്നാല്‍ ഇപ്പോള്‍ മൂല്യനിര്‍ണയം കഴിഞ്ഞ് രണ്ട് വര്‍ഷം പിന്നിട്ടിട്ടും പണം കിട്ടാത്ത സാഹചര്യമാണെന്നാണ് അധ്യാപകരുടെ ആരോപണം. അതേസമയം വിരമിച്ച അധ്യാപകരും ഇത്തരത്തില്‍ മൂല്യനിര്‍ണയം നടത്തിയതിന്റെ പണം കിട്ടാത്തവരില്‍ ഉള്‍പ്പെടുന്നുണ്ട്.