പിണറായിയെ എന്തിന് പേടിക്കണം, ഞാനും വിമര്ശിക്കാറുണ്ട്: ഇ.പി. ജയരാജന്
തിരുവനന്തപുരം: പ്രതിപക്ഷ നേതാവ് പിണറായി വിജയനെ വിമര്ശിക്കാന് എന്തിന് പേടിക്കണമെന്ന് സിപിഎം മുതിര്ന്ന നേതാവ് ഇ.പി. ജയരാജൻ. പാര്ട്ടി കമ്മിറ്റികളില് താനടക്കം അദ്ദേഹത്തെ വിമര്ശിക്കാറുണ്ടെന്നും ജയരാജന് പറഞ്ഞു. എന്നാല് അക്കാര്യങ്ങള് മാധ്യമങ്ങള്ക്ക് മുന്നില് വന്ന് പറയാറില്ലെന്നും അത് പാര്ട്ടി സംഘടനാ കാര്യമാണെന്നും പറയേണ്ടത് പാര്ട്ടിയില് പറയുമെന്നും അദ്ദേഹം കൂട്ടിച്ചേര്ത്തു.
മാധ്യമങ്ങളോട് സംസാരിക്കവെയായിരുന്നു അദ്ദേഹത്തിന്റെ പരാമർശം. പിണറായി വിജയനെ വിമര്ശിക്കുന്നതിന് പാര്ട്ടി നേതൃത്വത്തിന് പേടിയുണ്ടോ എന്ന ചോദ്യത്തിനായിരുന്നു ജയരാജന്റെ മറുപടി.
"ഞങ്ങള് എന്തിനാണ് പേടിക്കുന്നത്. ഞങ്ങളെല്ലാം അദ്ദേഹത്തെ എന്തെല്ലാം വിമര്ശിക്കുന്നുണ്ട്. അതെല്ലാം വന്ന് മാധ്യമങ്ങളോട് പറയാത്തത് പാര്ട്ടി സംഘടനാ കാര്യമായതിനാലാണ്. ഞങ്ങള്ക്ക് പറയേണ്ടത് പാര്ട്ടിയില് പറയും. അതിന്റെ അടിസ്ഥാനത്തില് കാര്യങ്ങള് ആലോചിക്കും.
എല്ലാവരെയും പാര്ട്ടിയില് വിമര്ശിക്കും, സ്വയം വിമര്ശനവും ഉണ്ട്. തെറ്റ് തിരുത്തലുണ്ട്. അതുപോലെ സ്വയം തിരുത്തലുമുണ്ട്. ഇതെല്ലാം നടത്തി പ്രവര്ത്തിക്കുന്ന പാര്ട്ടിയാണ് കമ്മ്യൂണിസ്റ്റ് പാര്ട്ടി'.-ജയരാജന് പറഞ്ഞു.
Leave A Comment