വടശേരി ദാമോദര 'മേനോൻ' ആവർത്തിച്ച് മുഖ്യമന്ത്രി; MLAയായി സത്യപ്രതിജ്ഞ ചെയ്തു
തിരുവനന്തപുരം: എംഎല്എ ആയുള്ള സത്യപ്രതിജ്ഞയിലും പേരിനൊപ്പം പിതാവിന്റെ പേരായ വടശേരി ദാമോദര മേനോന് എന്നാവർത്തിച്ച് മുഖ്യമന്ത്രി വി.ഡി.സതീശൻ. കഴിഞ്ഞ ദിവസം മുഖ്യമന്ത്രിയായി സത്യപ്രതിജ്ഞ ചെയ്തപ്പോള് മേനോൻ എന്ന് പേരിനൊപ്പം ചേർത്തത് വിവാദമായിരുന്നു.
മുഖ്യമന്ത്രി പേരിനൊപ്പം ജാതിവാൽ ചേർത്തെന്ന് കോൺഗ്രസിൽനിന്ന് തന്നെയാണ് വിമർശനമുയർന്നത്. എന്നാൽ താൻ പറഞ്ഞത് പിതാവിന്റെ പേരാണെന്നും അതിൽ എന്താണ് തെറ്റെന്നുമായിരുന്നു വിവാദത്തിൽ മുഖ്യമന്ത്രിയുടെ മറുപടി.
അമ്മയുടെ പേരു കൂടി പറയാന് പറ്റാത്തതില് സങ്കടമുണ്ട്. താന് എംഎല്എ ആകുന്നതിനു മുമ്പ് മരിച്ചു പോയതാണ് രണ്ടു പേരും. അച്ഛന്റെ പേര് പറയാന് വേണ്ടിയാണ് അങ്ങനെ ചെയ്തത്. അതില് സന്തോഷമാണുള്ളത്. ആ സമയം അമ്മയെ മനസില് വിചാരിച്ചെന്നും മുഖ്യമന്ത്രി വിശദീകരിച്ചിരുന്നു.
Leave A Comment