ചൂണ്ടയിടാൻ പോയ യുവാവ് വെള്ളക്കെട്ടിൽ വീണ് മുങ്ങി മരിച്ചു
പുതുക്കാട്: ചൂണ്ടയിടാൻ പോയ യുവാവ് മുത്രത്തിക്കരയിലെ മണ്ണെടുത്ത കുഴിയിലെ വെള്ളക്കെട്ടിൽ വീണ് മുങ്ങി മരിച്ചു. ചെങ്ങാലൂർ സ്നേഹപുരം വടക്കൂടൻ ചന്ദ്രശേഖരൻ മകൻ തമ്പിയെന്ന് വിളിക്കുന്ന 43 വയസുള്ള രാജേഷാണ് മരിച്ചത്. ചൂണ്ടയിടുന്നതിനിടെ കാൽ വഴുതി വീണതാകാമെന്നാണ് നിഗമനം.
വെള്ളിയാഴ്ച രാവിലെയാണ് വീട്ടിൽ നിന്ന് പോയത്.ഞായറാഴ്ച ഉച്ചയോടെയാണ് മൃതദേഹം കണ്ടെത്തിയത്. മൃതദേഹത്തിന് രണ്ട് ദിവസത്തെ പഴക്കം കണക്കാക്കുന്നു. സമീപത്ത് ബൈക്ക് ഇരിക്കുന്നത് കണ്ട് സംശയം തോന്നിയ നാട്ടുകാരാണ് വിവരം പോലീസിൽ അറിയിച്ചത്.
സ്വർണ്ണാഭരണ നിർമ്മാണ തൊഴിലാളിയാണ്.പുതുക്കാട് പോലീസ് മേൽനടപടികൾ സ്വീകരിച്ചു.
Leave A Comment