നന്തിക്കര സ്കൂൾ സ്റ്റോപ്പിൽ പിക്കപ്പ് ഇടിച്ച് സ്കൂട്ടർ യാത്രികന് ഗുരുതരമായി പരിക്കേറ്റു
നന്തിക്കര: ദേശീയപാതയിൽ നന്തിക്കര സ്കൂൾ സ്റ്റോപ്പിൽ പിക്കപ്പ് ഇടിച്ച് സ്കൂട്ടർ യാത്രികന് ഗുരുതരമായി പരിക്കേറ്റു. തൊട്ടിപ്പാൾ സ്വദേശി ചെമ്പിരി വീട്ടിൽ 68 വയസ്സുള്ള വിജയനാണ് പരിക്കേറ്റത്. തിങ്കളാഴ്ച രാവിലെ ഒമ്പതരയോടെയാണ് അപകടം.ദേശീയപാതയിലേക്ക് പ്രവേശിച്ച സ്കൂട്ടറിൽ തൃശ്ശൂർ ഭാഗത്തേക്ക് പോയിരുന്ന പിക്കപ്പ് ഇടിക്കുകയായിരുന്നു. അപകടത്തിൽ തെറിച്ചുപോയ സ്കൂട്ടറിൽ വിജയൻ്റെ കാലുകൾ കുടുങ്ങുകയായിരുന്നു. പരിക്കേറ്റ് റോഡിൽ കിടന്ന വിജയനെ കൊളത്തൂരിലെ ദയ ആംബുലൻസ് പ്രവർത്തകരാണ് തൃശ്ശൂരിലെ സ്വകാര്യ ആശുപത്രിയിൽ എത്തിച്ചത്. പുതുക്കാട് പോലീസ് സ്ഥലത്തെത്തിയിരുന്നു
Leave A Comment