കരൂപ്പടന്നയിൽ അഖിലേന്ത്യ ഫുട്ബോൾ സംഘാടക സമിതി ഓഫീസ് ഉത്ഘാടനം ചെയ്തു
കരൂപ്പടന്ന: കരൂപ്പടന്ന വാഗസ് ഒരുക്കുന്ന പടിയത്ത് പുത്തൻകാട്ടിൽ ഇബ്രാഹിംകുട്ടി സ്മാരക ഒന്നാമത് അഖിലേന്ത്യ ഫുട്ബോൾ ഏപ്രിൽ 4 മുതൽ 19 വരെ കരൂപ്പടന്ന ഹയർ സെക്കണ്ടറി സ്കൂൾ ഫ്ലഡ് ലൈറ്റ് സ്റ്റേഡിയത്തിൽ നടക്കും. വാഗസ് ക്ലബ് നടത്തിവരുന്ന 1000 ഡയാലിസിസ് കിറ്റുകൾ സൗജന്യമായി നൽകി വരുന്ന സ്നേഹസ്പർശം പദ്ധതിക്ക് ഫണ്ട്‌ കണ്ടെത്തുന്നതിന് വേണ്ടിയാണ് മത്സരം സംഘടിപ്പിക്കുന്നത്.
പള്ളിനടയിൽ സംഘാടക സമിതി ഓഫീസ് ഗ്രാമ പഞ്ചായത്ത്‌ പ്രസിഡന്റ്‌ നിഷാ ഷാജി ഉത്ഘാടനം ചെയ്തു. സംഘാടക സമിതി ചെയർമാൻ അയൂബ് കരൂപ്പടന്ന അധ്യക്ഷനായി. പടിയത്ത് പുത്തൻകാട്ടിൽ അബ്ദുൽ ഗഫൂർ ഹാജി മുഖ്യാഥിതിയായി. മുഖ്യ രക്ഷാധികാരി ഫസൽ പുത്തൻകാട്ടിൽ, ക്ലബ് പ്രസിഡന്റ്‌ വി. ഐ. അഷ്‌റഫ്‌, കെ. എം. ഷമീർ, മനോജ്‌ അന്നിക്കര, ഫഹദ് പുളിക്കൻ, നൂറുദ്ധീൻ, അബൂബക്കർ, ജിത്തു ശിഹാബ് എന്നിവർ പ്രസംഗിച്ചു.
Leave A Comment