നവ സങ്കൽപ്പ് പദയാത്രയ്ക്ക് പറവൂരിൽ സ്വീകരണം
പറവൂർ : ഡി.സി.സി. പ്രസിഡന്റ് മുഹമ്മദ് ഷിയാസ് നയിക്കുന്ന നവ സങ്കൽപ്പ് പദയാത്രയ്ക്ക് പറവൂരിൽ സ്വീകരണം നൽകി. ചെറായി സഹോദരൻ അയ്യപ്പൻ സ്മാരകത്തിൽ നിന്ന് ആരംഭിച്ച യാത്രയെ പെരുമ്പടന്ന പാലത്തിന് സമീപത്ത് സ്വീകരിച്ചു. വാദ്യമേളങ്ങളുടെയും കാവടി, തെയ്യം എന്നീ കലാരൂപങ്ങളുടെയും അകമ്പടിയോടെ നഗരംചുറ്റി സമ്മേളനവേദിയായ മുനിസിപ്പൽ പാർക്കിൽ എത്തി.ആദ്യ ദിനത്തിലെ സമാപന സമ്മേളനം മുൻമന്ത്രി തിരുവഞ്ചൂർ രാധാകൃഷ്ണൻ ഉദ്ഘാടനം ചെയ്തു. സംഘാടകസമിതി ചെയർമാൻ എം.ജെ. രാജു അധ്യക്ഷത വഹിച്ചു. ഹൈബി ഈഡൻ എം.പി., എം.എൽ.എ.മാരായ അൻവർ സാദത്ത്, മാത്യു കുഴൽനാടൻ, എ.ഐ.സി.സി. അംഗം കെ.പി. ധനപാലൻ, കെ.പി.സി.സി. ജനറൽ സെക്രട്ടറി അബ്ദുൽ മുത്തലിബ്, വൈസ് പ്രസിഡന്റ് വി.പി. സജീന്ദ്രൻ, കെ. ശിവശങ്കരൻ, എം.ടി. ജയൻ, കെ.എ. അഗസ്റ്റിൻ, പി.ആർ. സൈജൻ, വി.എ. പ്രഭാവതി, രമേഷ് ഡി. കുറുപ്പ്, ഡി. രാജ്കുമാർ, അനു വട്ടത്തറ, പി.എസ്. രഞ്ജിത്ത്, ബീന ശശിധരൻ, കെ.ആർ. ശ്രീരാജ് എന്നിവർ സംസാരിച്ചു. പദയാത്ര ബുധനാഴ്ച തോട്ടുമുഖത്ത് ആരംഭിച്ച് മലയാറ്റൂരിൽ സമാപിക്കും.
Leave A Comment