സുധാകരൻ വലിയ ജനപിന്തുണയുള്ള നേതാവ്, മുതിർന്നവരും പക്വത കാണിക്കണം: രാഹുൽ മാങ്കൂട്ടത്തിൽ
പത്തനംതിട്ട: കോൺഗ്രസ് പാർട്ടി പുനഃസംഘടനാ വിഷയത്തിൽ നേത്യത്വത്തിനെതിരെ ആഞ്ഞടിച്ച് രാഹുൽ മാങ്കുട്ടത്തിൽ എംഎൽഎ. സാധാര ണ പ്രവർത്തകന്റെറെ ആത്മവിശ്വാസം തകർക്കരുതെന്നും യുവാക്കൾ കാണിക്കുന്ന പക്വതയും പാകതയും മുതിർന്ന നേതാക്കൾ കാണിക്കണമെന്നും രാഹുൽ മാങ്കൂട്ടത്തിൽ പത്തനംതിട്ടയിൽ പറഞ്ഞു.
കെപിസിസി അധ്യക്ഷൻ കെ. സുധാകരന് പിന്തുണയറിയിച്ച രാഹുൽ, അ ദ്ദേഹം വലിയ ജനപിന്തുണയുള്ള നേതാവാണെന്നും കേരളത്തിലെ ഏത് ജംഗ്ഷനിൽ പോയാലും ആളുകൾ കൂടുമെന്നും പറഞ്ഞു
നേതൃത്വം ഇടപെട്ട് അനിശ്ചിതത്വം മാറ്റണം. വരാൻ പോകുന്നത് അങ്കണവാടി തെരഞ്ഞെടുപ്പ് അല്ല. അങ്കണവാടി ക്ലാസ് ലീഡറുടെ തെരഞ്ഞെടുപ്പല്ലെന്നും പഞ്ചായത്ത് തെരഞ്ഞെടുപ്പാണെന്നും ഓർക്കണമെന്നും രാഹുൽ പറഞ്ഞു.
ഞങ്ങള് മിണ്ടാതെയിരിക്കുന്നത് അത് താങ്ങാനുള്ള കെൽപ്പ് പാർട്ടിക്കില്ലാത്തത് കൊണ്ടാണ്. യുവ നേതാക്കൾ കാണിക്കുന്ന അച്ചടക്കം മുതിർന്ന നേതാക്കളും കാണിക്കണം. മുതിർന്ന നേതാക്കൾ ഉത്തരവാദിത്വം കാട്ടണം. കോൺഗ്രസ് അധികാരത്തിൽ വരാൻ ജനങ്ങൾ ആഗ്രഹിക്കുന്നുണ്ട്. അത് നടക്കാതെ പോകുന്നത് ജനങ്ങളോടുള്ള വെല്ലുവിളിയാണെന്നും രാഹുൽ മാങ്കൂട്ടത്തിൽ കൂട്ടിച്ചേർത്തു.
Leave A Comment